كيفيه تشغيل برنامج Ai
العيادات (محتاجين ثقة ومحتوى توعوي)
الحلويات والشغل البيتي (طلبات أونلاين كتير)
البرومبتات اللي هتشتغل بيها (الجزء الأول)
قبل ما تنسخ، فهم القاعدة الذهبية:
كل ما تدي الـ AI تفاصيل أكتر عن المحل، كل ما الكلام يطلع أحسن.
يعني اكتب: اسم المحل، بيبيع إيه، في أنهي منطقة، الأسعار تقريبًا، الزباين مين.
برومبت 1: خطة المحتوى للشهر
“أنت خبير تسويق على السوشيال ميديا للمحلات الصغيرة في مصر. اعملي خطة محتوى لمدة 30 يوم لمحل [اسم ونوع المحل] في [المنطقة]. المحل بيبيع [المنتجات] والزباين غالبًا [مين]. نوّع بين: بوستات عروض، بوستات تفاعل وأسئلة، بوستات ثقة وآراء زباين، بوستات نصايح، وبوستات ورا الكواليس. اكتب لكل يوم: فكرة البوست + نوع التصميم المقترح + الكابشن باللهجة المصرية. واعمل الخطة في جدول.”
الشرح: ده هيطلعلك شغل شهر كامل في دقيقة. عدّل فيه حسب المحل وخلاص.
برومبت 2: الكابشن اللي بيبيع
“اكتبلي 5 كابشنز مختلفة باللهجة المصرية لبوست عن [المنتج أو العرض] لمحل [نوع المحل]. كل كابشن يبدأ بسطر أول قوي يوقّف اللي بيقلّب، وبعدين يشرح الميزة في سطرين، ويختم بدعوة واضحة زي (ابعتلنا رسالة / اطلب دلوقتي). استخدم إيموجي باعتدال.”
الشرح: خليه يطلعلك 5 عشان تختار الأحسن، ومتاخدش أول واحد على طول.
برومبت 3: بوستات التفاعل
“اقترحلي 10 بوستات تفاعلية لصفحة [نوع المحل]، زي أسئلة، اختيارات بين حاجتين، مسابقات بسيطة، أو (كمّل الجملة). عايزها تخلي الناس تكتب كومنت.”
الشرح: بوستات التفاعل دي بتخلي فيسبوك يوصّل الصفحة لناس أكتر، فمتنساش تنزل منها كل أسبوع.
البرومبتات (الجزء التاني)
برومبت 4: أفكار الريلز
“اقترحلي 10 أفكار ريلز لمحل [نوع المحل]، كل فيديو أقل من 30 ثانية، سهل التصوير بالموبايل جوه المحل من غير معدات. اكتب لكل فكرة: إيه اللي يتصور لقطة بلقطة + الكلام اللي يتكتب على الشاشة + نوع المزيكا المناسب.”
الشرح: هيطلعلك سيناريو جاهز، تروح المحل تصوّر اللقطات في ربع ساعة وتركّبها على CapCut.
برومبت 5: الردود الجاهزة على الماسنجر
“اكتبلي ردود جاهزة ومهذبة باللهجة المصرية على أكتر 15 سؤال بيسألهم زباين [نوع المحل] على الماسنجر، زي السعر والمقاسات والتوصيل والمواعيد والعنوان. خلي كل رد يشجع الزبون إنه يكمّل ويشتري.”
