ولنا في الحب حياه الكاتبه نرمين عادل

ولنا في الحب حياة الكاتبة نرمين عادل همام ـ “أمجد.. انت ليه بتساعدني كل المساعدة دي؟” ابتسم وقال لي وهو بيبص لي بحنية: ـ “من 7 سنين، في معرض خيري بالجامعة، كل الطلبة جابوا حاجات مستعملة.. انتِ الوحيدة اللي سهرتِ تلات ليالي تعملي بروش فضة يدوي مميز جداً.. واشترته طفلة صغيرة مريضة بالقلب بكل الفلوس اللي في حصالتها، وقالت لي وقتها إنها حسّت لأول مرة إنها أميرة.” افتكرت الموقف، وسألته: ـ “الطفلة دي.. طمئني عليها؟” ـ “الطفلة دي تبقي أختي الصغيرة يا يارا.. والعملية نجحت وهي دلوقتي في آخر سنة جامعة.. انتِ أديتِ لناس أمل يعيشوا زمان، ودلوقتي جه دوري أقف جنبك.” في الليلة دي، وتحت نور الكشاف، رسمت أول تصميم ليا بعد سنين انقطاع.. وسميته “القيامة”. قابلت الدكتورة مديحة، وبعد مناقشة طويلة وشااقة اقتنعت بدعم مشروعي وشركتي “تأنّق”، بشرط إني أدخل مسابقة اختيار العلامات التجارية الجديدة، وأقدم خلال 6 أسابيع تشكيلة كاملة من 12 قطعة. طوال الـ 6 أسابيع، كنت عايشة في الورشة. بالنهار مع الصنايعية القدامى لأمي، وبالليل على ترابيزة الرسم. ساعات كان وجع جسمي يشتد، وساعات إيدي تتجرح من الأسلاك والأدوات، بس كنت بلفها وأكمل. أمجد ما كانش بيلح عليا ولا بيفضل يضغط، كان بيكلمني يفكرني بالأكل والدواء، ويعدي يسيب لي علبة شوربة دافية أو عصير ويمشي.. اهتمامه كان هادي وراقي ومختلف تماماً عن استعراضات أدهم الفخمة الفارغة. قبل المسابقة بأسبوع، التصميم الرئيسي للقلادة اختفى فجأة أثناء النقل! شركة الشحن ادعت إن العنوان كان غلط، والكاميرات اتعطلت! سهرت ليلتين أعدل واصمم من جديد لحد ما إيديا كانت بترتعش ومش قادرة تمسك الزردية. قعدت على الأرض وسط المعادن المتكسرة وقلت لأمجد بكسرة لأول مرة: ـ “أنا مش قادرة.. مش هعرف أكمل.” قعد قدامي مسك إيدي المترعشة وقال بصدق: ـ “يارا.. خدي نفس واسترخي 10 دقايق.. ‘تأنّق’ ده اسم وحلم، بس حياتك ونفسك أهم.. انتِ مش مطالبة تثبتي للعالم كفاءتك على حساب صحتك وروحك.” الكلام ده نزل على قلبي زي البلسم. طول عمري فاكرة إن لازم أضحي وأكون مثالية عشان أتحب.. وفي الآخر اللي عايزين يؤذوني أذوني. بعد الـ 10 دقايق، قمت بصلابة، شلت تصميم القلادة المفقودة، ورسمت تصميم جديد خالص: هلال طالع منه غصن ورد صغير من الذهب الأبيض.. وسميتها “غير مكتمل.. بس مش مكسور”. في يوم المسابقة، تشكيلة “تأنّق” أخدت المركز الأول بإجماع اللجنة! ولما أعلنوا اسمي، بصيت للمدرجات.. أمجد كان واقف ورا خالص بيبتسم لي بفخر.. وفي الزاوية الثانية كان أدهم واقف ماسك بوكيه ورد أبيض ما لحقش يسلمه لي. بعد الفوز، الطلبات انهالت على “تأنّق”. فنانة مشهورة اشترت القلادة ونشرتها على انستجرام، والطلبات غطت إنتاج الورشة. وفي نفس الوقت، لجنة الخبراء في المحكمة أصدرت تقريرها المبدئي: الأوراق والحبر اللي قدمتهم شاهيندا اتثبت إنهم حديثين الصنع ومزورة! شاهيندا أطلقت مؤتمر صحفي بتعيط فيه وتقول إنني بستغل اسم أمي المتوفية عشان أدمرها، وأدهم نزل بيان من شركته يؤكد إنه مستمر في رعاية علامتها. في المساء، جه أدهم الورشة، حط بوكيه الورد على الطاولة وقال بصوت خافت: ـ “مبروك يا يارا.. أنا طلبت من الإدارة يوقفوا التعامل مع شاهيندا بس هم رفضوا عشان العقود.” رديت وأنا بفرز الشغل: ـ “شكراً يا أدهم، بس إحنا مش قريبين لدرجة تبادل الورد والشروحات.. انت دعمتها من الأول، وجاي دلوقتي تقول ماليش دعوة؟” اتقدم ناحيتي وقال بعيون حمراء: ـ “يارا.. اديني فرصة أعوضك!” ـ “تعوضني عن إيه؟ عن أمي اللي ماتت؟ ولا عن ليلة الدخلة اللي دمرتها؟ ولا عن شرفي اللي نهبته؟ انت عايز تريح ضميرك مش أكتر.. وسامحني، أنا مش مسكن لآلام ضميرك.” سألني بنبرة غيرة واضحة: ـ “انتِ مع أمجد؟” ـ “مالكش دعوة.. دي حاجة تخصني.” ـ “أنا عايز أعرف بس…” رفعت إيدي ونزلت على وشه بـ قلم شديد! أول مرة أضربه! ـ “أنت تتساءل عن طمعي، ماشي.. لكن إياك تلمس سمعتي أو تجيب سيرة اللي فات! اليوم اللي كنت فيه بتقهرني، كنت محتفل على يخت مع شاهيندا.. أنت مالكش حق تنطق كلمة واحدة!” أدهم وقف مصدوم، وأنا قفلت الباب في وشه بقوة. وبصيت من الزجاج شفته بينحني يلم الورد المتنطور، بس قلبي ما بقاش يحس ناحيته بأي شيء.. غير الفراغ. التحقيقات اتسعت، وظهرت المساعدة القديمة لأمي وجابت أدلة إلكترونية وتسجيلات بتثبت إن عم أدهم وشريك أمي القديم اتفقوا زمان واستولوا على علامة “تأنّق” وباعوها لشركة أدهم! يعني عيلة أدهم كبرت واغتنت من أفكار وتصاميم أمي المسروقة! أدهم لما عرف الحقيقة، سلم الأدلة للنيابة بنفسه ضد عمه، وعمه اتأقبض عليه بتهم تزوير واختلاس، والشركة واجهت أزمة مالية ضخمة. وأدهم اضطر يبيع اليخت ويعتذر علناً عن البيانات المضللة. وفي المحكمة، القاضي حكم لصالحي بملكية علامة “تأنّق” بالكامل، وسحب كل منتجات شاهيندا وإلزامها بالتويض والتراجع. شاهيندا وهي طالعة من القاعة حاولت تتكلم معايا وتستعطفني عشان خايفة من الحبس، بس رديت عليها بكرامة: ـ “انتِ اللي اخترتِ الطريق ده يا شاهيندا.. وأنا مش هظلمك ولا هسامحك.. القانون هو اللي بياخد المجاري.” علامة “تأنّق” كبرت وبقت مقر من تلات أدوار، وشاركت في أسبوع المجوهرات الإقليمي، والجميع بقى يتكلم عن تصاميم أمي وعن قصة كفاحي. في يوم شتوي هادي، أمجد كان مسافر في مهمة طبية إنسانية لمدة سنة في الصعيد، وأنا كنت واقفة أودعه في الورشة قبل ما يتحرك. مسك حصالة أخته القديمة وقال لي بابتسامته الدافية: ـ “يارا.. أنا معجب بيكِ من 7 سنين.. بس ما أردتش استغل ظروفك ولا حزنك.. أنا مسافر سنة، والسنة دي عشان تأكدي مشاعرك.. لو افتكرتيني وحسيتِ إن وجودي يفرق معاكي، أول ما أرجع هطلب إيدك من جديد.. ولو نديتيني، هكون عندك.” ابتسمت له والدموع في عيني، بس كانت دموع أمل وفرج. وقلت له: ـ “ترجع بالسلامة يا أمجد.. وأنا هستناك.” خرج أمجد، ووقفت قدام الشباك وأنا ماسكة دفتر أمي الأخير، والمطر بينزل برة بحنية. لأول مرة من سنين، حسيت إن روحي رجعت لي، وإن الحياة مش بتنتهي عند الكسرة.. بل بتدى من اللحظة اللي بنقرر فيها نقوم ونرجع نلمع من جديد! محدش قال إنه بيفتقده.. بس في كل مرة كان اسم “أمجد” ببيظهر على شاشة تلفوني، كان قلبي بيهدأ ويرتاح. بعد تلات شهور من سفره، شاهيندا خلفت بنتها قبل ميعادها. البنت ولدت مبتسرة ودخلت الحضّانة في المستشفى، وأبوها الحقيقي -اللي كان شغال مع عم أدهم وهرب- اتمسك على الحدود واُتقبض عليه. وشاهيندا كانت بتواجه قضايا تزوير واستيلاء على حقوق ملكية فكرية، بس المحاكمة اتمأجّلت لحد ما تقوم بالسلامة. المنظمة الراعية للأطفال اتصلت بيا، لأن شاهيندا حطت اسمي كجهة اتصال للطوارئ في أوراقها. رحت المستشفى مرة واحدة بس.. مش عشان خاطر أيت صداقة قديمة خلاص انتهت، بس لأن المحامي كان محتاج إقرارات قانونية تخص حماية البنت الصغيرة. شاهيندا كانت نايمة على السرير، وشها شاحب جداً وعظام خدودها باينة من كتر التعب والهزال. ومن ورا الزجاج البارد، كان نور الحضّانة الأزرق طالع على البنت الصغيرة. قالت لي شاهيندا بصوت مكسور: ـ “بنت.. سميتها ‘نور’.” ما رديتش عليها.. فقالت بصوت يترجف: ـ “أنا اتفقت مع الجمعية، وهناك عيلة من المدرسين هيتبنوها ويتكفلوا بيها.. مش هيعرفوا حاجة عني ولا عن اللي عملته، هتاخد اسم جديد وعيشة نضيفة.” ـ “مادام اتخذتِ القرار، كملي الإجراءات الرسمية مع المحامي والجهات المختصة.” ـ “مش عايزة تشوفيها يا يارا؟” ـ “لا.” استدارت شاهيندا ودموعها نازلة: ـ “انتِ قاسية أوي يا يارا..” ـ “دي مش قسوة يا شاهيندا.. أنا ساعدتك توصلي للجمعية الصح عشان البنت البريئة دي ما تشيلش ذنب حد، بس ده مش معناه إني هرجع صاحبتك ولا هتحمل مشاعرك ولا مسؤليتك.” انفجرت شاهيندا في البكاء: ـ “أنا بقيت لوحدي تماماً في الدنيا..” رديت عليها وذهني بيرجع لليلة زفافي: ـ “وأنا كمان كنت لوحدي تماماً.. في الليلة اللي أمي سابتني فيها، وفي الليلة اللي جوزي كان فيها على اليخت بيمرح معاكي.. أنتِ اللي اخترتِ تسيبيني في الموقف ده.. والآن كل واحد بياخد جزاء اختياراته.” سبت معلومات المحامي على الطاولة ومشيت، وما رجعتش المستشفى تاني. بعد فترة، عرفت إن البنت أخدتها العيلة الجديدة، وسافروا بيها الصعيد، وأدوها اسم جديد وحياة بعيدة عن ديون وذنوب أهلها.. وده كان أفضل قدر للبنت البريئة دي. في اليوم اللي اتقضى فيه على عم أدهم بالحبس 12 سنة في قضايا الفساد والتزوير، أدهم بعت لي ظرف مقفول مع المحامي. جوة الظرف كان فيه جواب اعتذار مكتوب بخط إيده، وعقد بيت أمي القديم اللي جابه وسجله باسمي ورجعه لي من غير أي شروط! رجّعت له عقد البيت.. وقريت جواب الاعتذار مرة واحدة بس. كتب لي إنه بعد ما خرجت ليلة الدخلة، رجع المستشفى وفضل قاعد قدام الأوضة اللي كنتِ فيها طوال الليل.. بص في الكاميرات وشافني وأنا شايلة أوراق أمي وواقعة على الأرض لوحدي.. سأل كل دكتور وممرضة وسواق تاكسي عشان يفهم التفاصيل. اعترف في الجواب إنه عمره ما كان مفلس؛ ولما طلبت النص مليون زيادة قبل الفرح عشان عملية أمي، كان بيعيد هيكلة شركته والسيولة كانت صعبة، بس فلوسه الشخصية كانت تقدر تغطي المبلغ ده مية مرة.. بس هو عمل المشهد ده عشان يختبرني! لغى البطاقة، وتظاهر بالديون، وكان بيشوفني بشتغل وأتعب ويظن إن ده تمثيل عشان أسترضيه قبل الجواز! كتب في آخر الجواب:“أنا حولت الحب لامتحان انتِ ما كنتيش تعرفي إنك داخلة فيه.. ولعبت دور الممتحن والمصحح وغيّرت الإجابات عشان أدينك.. أنا مش بطلب منكِ التسامح، أنا بس عايزكِ تعرفي إن كل العذاب اللي شفتيه ما كانش بسبب إنك تقصرتِ أو ما كنتيش كفاية.. كان بسبب جبني وغروري وقسوتي.” قفلت الجواب.. لو الاعتراف ده جه ليلة دخلتنا، كان أنقذ حاجات كتير.. بس دلوقتي جه متأخر جداً. حطيت الجواب في ملف الطلاق وما رديتش. أم أدهم اتقدمت لها عقوبة إدارية واعتذار علني على النت بسبب استخدام أوراق طبية مزورة تخصني عشان تتغطى بيها، والاعتذار كتبه المحامي في تلات سطور.. وما كنتش محتاجة منها أكتر من كده. أدهم باع معظم أملاكه الشخصية عشان يعوّض المصممين اللي اتظلموا من شركته، وساب الفيلا وعاش في شقة صغيرة جنب الشركة.. في يوم، قابلته قدام عمارة الورشة، كان الثلج والبرد مغرق الشارع، ووشه باين عليه التعب والهدود.. قال لي بصوت مكسور: ـ “أوراق البيت.. أرجوكِ قبليها، دي كانت ملك مامتك الله يرحمها.” ـ “أنا هشتريها منك بالسعر اللي باعتها بيه أمي زمان.. مش هاخدها منك هدية.” ـ “أنا مش عارف أعمل إيه تاني عشان أصلح…” ـ “أدهم.. عيش حياتك بشرف.. بس بلاش تستغل تعبك عشان تخليني أرجع أو أضعف.. ده الشيء الوحيد اللي تقدر تعمله.” ـ “ولو سامحتكِ في يوم؟” ـ “ممكن أسامحك.. بس التسامح مش معناه إننا نرجع.. أنا هسامح عشان ما أشيلش قهرك معايا بقية حياتي.” دخلت العمارة، وسابني وما حاولش يمنعني. في الربيع اللي بعده، شركة “تأنّق” فتحت أول فرع ليها برة مصر. بقيت بسافر كتير بين المدن، معتادة على الطيران والاجتماعات، بس ما بقيتش أظلم نفسي في الشغل.. بقيت أثق في المساعدين بالقدر المضبوط، وأستريح من غير ما أحس بذنب. البنت المتدربة عندي “شروق” كسبت جائزة المصمم الشاب بسوار استوحت فكرته من حروق إيدها القادمة، ووقفت تعيط على المسرح وأنا قاعد بصفق لها وفرحانة بيها. أمجد كان مسافر بقاله شهور في مهمة طبية إنسانية بالصعيد.. ما كناش مسمين علاقتنا بأسماء رسمية، بس في كل خطوة نجاح، كان هو أول حد بتمنى أشاركه الصور والأخبار. أبعت له صورة التأسيس للفرع الجديد، يرد عليا بعد يومين بصورة لغرفة المحطة الصحية اللي شغالة هناك.. طفل رسم بالطبشور على الحيطة هلال طالع منه شجرة – شعار شركة “تأنّق”. في الشهر التاسع، حصل انهيار جبل وسيول في المنطقة اللي شغال فيها أمجد، والأخبار نزلت عن انقطاع الاتصال بالفريق الطبي! فضلت 36 ساعة مش بنام، أعصابي كانت بتتفجر، وحجزت أول طيارة عشان أروح هناك.. وفجأة تلفوني رن من رقم غريب! ـ “يارا؟” صوت أمجد عبر الخط! رجلي ما شالتنيش وقعدت على الأرض: ـ “أمجد! أنت فين؟ أنت كويس؟” ـ “أنا في معسكر مؤقت.. شبكة التلفون كانت مقطوعة والطريق مقفول.. أنا أسف جداً.” كنت عايزة أزعق فيه، بس أول ما فتحت بوقي الدموع نزلت زي المطر.. فضلت أعيط وهو ساكت بيسمعني، وبعدين قال برقة: ـ “يارا..” دي كانت أول مرة يناديني من غير “أستاذة” ولا ألقاب. ـ “أنا هنا يا أمجد.” ـ “هترجعي إمتى؟” ـ “فاضل لي 3 شهور في الخدمة والإشراف.” مسحت دموعي وقلت له بكل وضوح وصدق: ـ “أمجد.. أنا بحبك وبفتقدك.. مش لأني محتاجة حد ينقذني، أنا أقدر أعيش وأشتغل وأحل مشاكلي لوحدي.. بس لما بفرح، بتمنى تكون معايا، ولما بخاف بتمنى أسمع صوتك.. أنت مش مجرد شخص بيساعدني، أنت الشخص اللي قلبي اختاره.” الخط سكت لحظات، وبعدين سمعت ضحكته الدافية: ـ “أنا هخلص الـ 3 شهور وأرجع فوراً.. وهسألك السؤال اللي مستنيه من زمان.” ـ “أنا هستناك.” في اليوم اللي رجع فيه أمجد، رحت المطار أستقبله. كنت شايلة بوكيه ورد عباد شمس كبير، أول ما أبواب الوصول اتفتحت، طلع أمجد كان أرفع شوية وسمر من شمس الصعيد، وشايل شنطته على كتفه. أول ما شافني بالورد وقف مكانه. قربت منه بابتسامة: ـ “دكتور أمجد..” ـ “أستاذة يارا..” ـ “فاكر السؤال اللي ألت لي عليه من سنة؟” ابتسم وبص لي كتير، كأنه بيتأكد إن البنت اللي قدامه دي مش هي البنت المكسورة اللي كانت قاعدة على الرصيف بتعيط: ـ “يارا.. تقبلي تبدأي معايا حياة جديدة ونبني بيتنا سوا؟” مش “تكوني لي” ولا “أنا هحميكي”.. بل نبدأ سوا. هزيت راسي وقلت: “موافقة.” سحبني في حضن دافي وأمين وسط المطار.. حضن حسسني إن رحلة العذاب انتهت رسمياً، وبدأت رحلة الأمان. جوازنا كان هادي.. عملنا حفل صغير في الحديقة اللي ورا ورشة “تأنّق”، حضره القريبين بس، من غير بهرجة ولا فلاشات. لبست فستان أبيض بسيط صممته لي صاحبتي، وتحت رقبتي كان فيه البروش الفضة القديم اللي عملته زمان بالجامعة. قبل الفرح بساعة، وصلني طرد بدون اسم.. جوة الطرد كان فيه خاتم الجواز القديم اللي سبته على الطاولة ليلة دخلتي من أدهم، ومعاه ورقة صغيرة: “حاجتك رجعت لكِ.. أتمنى لكِ السلام.” بصيت للخاتم فترة، وبعدين أديته للمساعدة عندي: ـ “سيحيه واعملي منه أجراس هواء صغيرة نعلقها قدام ورشة التدريب للبنات.” الذهب ملوش ذنب.. الذكريات نقدر نعيد تشكيلها وتطلع منها صوت حلو وجديد! بعد جوازي من أمجد، عشنا حياة هادية وقائمة على الاحترام والوضوح. عملنا حساب مشترك لمصاريف البيت، وكل واحد فينا محتفظ بذمته المالية وشغله.. ما فيش غموض ولا شك، وكل حاجة بنتكلم فيها بوضوح. بعد 6 شهور من جوازنا.. ظهر الخطين الحمر في اختبار الحمل! قعدت في الحمام وإيدي بترتعش.. ذكريات التعب والدم في ليلة دخلتي القاسية والظروف الصعبة جُم في عقلي فوراً.. فتح أمجد الباب ولما شاف الاختبار في إيدي، قعد على الأرض جنبي بالراحة: ـ “يارا.. انتِ كويسة؟” أول سؤال سأله ما كانش “أنا هبقى أب”، بل كان بيطمن عليا أنا! هزيت راسي وقلت له وخايفة: “أنا خايفة يا أمجد..” سحبني في حضنه بالراحة وقال: “أنا معاكي.. بكره نروح للدكتورة ونمشي خطوة بخطوة.. صحتك ونفسيتك هي أهم حاجة عندي.” الحمل كان فيه شوية تقلصات وتعب في الأول نتيجة الإجهاد القديم، بس أمجد كان معايا في كل استشارة، بيراعي كل التفاصيل ويسمع الدكاترة. في أوائل الصيف.. ولدت بنتي الصغيره! بنت زي القمر، وزنها ما شاء الله جميل، وأول ما الدكتورة حطتها على صدري، عيطت من الفرحة وأمجد جنبي عينيه مدمعة.. سألني: “هنسميها إيه يا يارا؟” بصيت لوشها الوردي وقلت: ـ “هنسميها.. ‘نور’.. نور القمر اللي بيطلع بعد كل ضلمة.” مرت 10 سنين على إعادة تأسيس “تأنّق”.. الشركة بقى ليها فروع في 12 مدينة، والبرنامج المجاني درّب أكتر من 300 ست وشاب، وفتحوا ورش خاصة بيهم. في احتفالية الشركة بالعاشر، كنت قاعدة في الصف الأول، وبنتي “نور” نايمة في حضن أمجد. دعاني المذيع أطلع أقول كلمة.. طلعت ووقفت قدام الشاشة اللي عليها شعار الهلال: ـ “من 10 سنين، ‘تأنّق’ بدأت من ورشة صغيرة النور مقطوع فيها.. ما كانش حيلتنا غير كشاف صغير، وأدوات قديمة، ودفاتر رسم كان غيرنا شايفها ما تسواش حاجة.. ناس كتير بتسألني عن سر النجاح.. والسر مش عبقرية فردية؛ السر كان في الناس اللي وقفت جنبي، اللي حافظت على الحقوق لما العدالة اتأخرت، والدكتور اللي علمني آخد نفس واسترخي لما افتكرت إني مش هقدر أكمل.. والناس اللي آمنت إن الحاجات اللي اتكسرت تقدر تتجمع وتلمع من جديد.. والأهم من ده كله.. إن البداية الجديدة مش معناها إننا نرجع للنقطة القديمة.. البداية الجديدة هي إننا نختار طريق مختلف وبشرف.” التصفيق ملأ القاعة، وبصيت لأمجد وبنتي.. وأدركت إن السعادة مش عقد بـ 5 مليون، ولا مظاهر كدابة.. السعادة هي إنك تتعدل وتقف على رجليك، تحب وتتحب من غير ما تضحي بكرامتك ولا تنسى نفسك. كنت في يوم من الأيام قمر اتكسر مية حتة في ليلة شؤم.. بس الهلال عمره ما بيغيب.. وبيطلع ينوّر الدنيا من جديد. الكاتبة نرمن عادل همام تمت

مقالات ذات صلة

هذه الطفلة برفقة العندليب أصبحت من أشهر نجمات الوطن العربي بصوتها العذب.. شديد الملاحظة سيعرفها؟!!

” هي دي اللي أنت متجوزها “

القاهرة اليوم

ارتداء درة الحجاب يفاجئ الجميع.. إيه الحكاية؟

إلغـ،ـاء الصف السادس الابتدائي بداية من العام الدراسي القادم.. وزارة التعليم توضح

شاب

اترك تعليقاً إلغاء الرد