غرام الأسد الفصل الثاني
بقلم شروق محمد
مر يوم واتنين ومافيش جديد وهاجر كانت حزينة على صاحبتها وقلبها واجعها عليها جدًا
فضلت هاجر سرحانة في تعب ووجع صاحبتها بدأت تكلم نفسها
نفسي أخفف عنك شويه ياغرام حبيبتي انتي استحملتي كتير اوووي عدت دقايق ورن تليفونها وكان عاصم اللي بيتصل
عاصم: الحلو سهران ليه
هاجر بحزن: قلقانه ومش جايلي نوم
عاصم بقلق: ليه كدا ياحبيبي
هاجر: صعبان عليا حال غرام ووجعها وزي ماقؤلتلك باباها مصمم علي العريس الي جاي واتفق معاه علي معاد
عاصم: وهيا رأيها ايه موافقه يعني
هاجر: بقؤلك دي بتموت من وجع قلبها وفراق صاحبك الي ولا علي باله ولا بيفكر ياخد حتي خطوة
عاصم: ياستي كل واحد ادري بظروفه
هاجر: طيب قولي هو بيحبها يعني ماقلش ليك حاجه
عاصم: مالناش دعوة ياهاجر بالموضوع ده والي فيه الخير ربنا يقدمه
هاجر: طيب بس لو قالك قولي عشان حتي اخفف عنها واخليها تهدا من القهر والوجع الي هيا فيه
عاصم: تعشميها بحاجه وترجعي تسحبيها منها تاني
هاجر: صاحبتي ياعاصم ومش قادرة اشوفها كدا
عاصم: ان شاء الله خير كل الي اقدر أقوله انه خير
ياله انا هقفل عشان ورايا شغل بكرة بدري تصبحي علي خير ياحبيبي
هاجر: وانت من اهل الخير يا قلبي
” قفلت هاجر التليفون بعد ما خلصت المكالمة مع عاصم وفضلت سرحانة شوية وبعد فترة صغيرة نامت نوم عميق
————————
في صباح يوم جديد صحت منال من نومها وقامت تصلي فرضها وبعدها راحت أوضة غرام عشان تصحيها فتحت الشبابيك وقالت:
ايوه كدا خلي نور ربنا يدخل ينور حياتنا ياصباح الورد يا حبيبتي قومى يلا
قامت غرام بفتح عينيها وقالت: صباح الخير ياماما
منال: صباح الياسمين احلي ياسمينا قومي بقي عشان تفطري وتلحقي شغلك
غرام: حاضر ياماما عن اذنك هقوم اصلي والبس
منال: انا كمان هحضرلك الفطار
“قامت غرام عشان تصلي فرضها وبعد ما خلصت قعدت تدعي بنفس الدعاء اللي طول عمرها بتدعيه خلصت صلاتها وغيرت هدومها وخرجت تفطر مع باباها ومامتها
ايهاب: صباح الخير ياغرامتي
غرام: صباح الخير يابابا عامل ايه
ايهاب: الحمد لله تعالي اقعدي عاوزك
غرام: نعم يابابا يارب يكون خير
ايهاب: طبعا خير واحسن خير كمان فكرتي وصليتي
غرام: انت لسه مصمم يابابا بعد الي قولتهولك
ايهاب: اهو بذات عشان الي قولتيه وعلي فكرة العريس جاي انهاردة اعملي حسابك عشان بس ماتقوليش تعبانه والحجج بتاعت كل مرة دي
