غرام الاسد الفصل السادس والعشرون
بقلم شروق محمد
في ڤيلا حاتم
صحى من النوم، عمل شوية تمارين رياضية وبعد ما خلص ودخل ياخد شاور خرج بعد كده صلى فرضه ولبس بدلة سودة زودت وسامته وجاذبيته وظبط شعره
نزل تحت سلم على مامته وهو لسه هيمشي وقفته كلمتها
مرفت: اش اش ايه الشياكه دي
حاتم بإبتسامه: انتي اللي عيونك حلوين ياقلبي
مرفت: الله الله وكمان كلام حلو، ايه السر
حاتم: سر ايه بس ياست الكل انا رايح الشركه
مرفت: الشركه برضه، طيب، بحسب مكان تاني
حاتم: مكان تاني اللي هو اي بقي
مرفت: يعني مثلا، مكان فيه واحده اسمها سلمي اللي انت طول الليل بتشكر في اخلاقها
حاتم بإبتسامه: بقي كدا خلاص ماعتش هشكر في حد
مرفت بإبتسامه: المهم رايح المستشفي ولا الشركه
حاتم بضحكات عاليه: لا هروح اشوف كريم وبعدين اطلع علي الشركه
مرفت بإبتسامه: ايوه كدا قر واعترف طمنتني
حاتم: اقؤلك ايه بس، بتفضلي ورايا تقرريني وبعد كدا تقوليلي ياله روح
ابتسم حاتم لمامته وباس إيديها وبعدها خرج وركب عربيته علشان يروح لكريم في المستشفى
بعد شوية وصل، طلع أوضة كريم لقى مامته قاعدة لوحدها ومالقاش سلمى قلبه وجعه وزعل جدًا
قرب من كريم، قعد جمبه، باسه على جبينه وأداله هدية عبارة عن قفص فيه عصفورين.
كريم: شكرا جدا ياعمو حاتم
حاتم: عجبوك ياحبيبي
كريم: حلوين اووي
والدة كريم: ليه بس التعب ده
حاتم: انا قلت العصافير يكونو معاه علطول وشكلهم حلو ويبطل يجري علي الطريق ورا الفراشات والعصافير
كريم: عندك حق ياعمو حاتم انا بحب العصافير اوي
مامت كريم: والله تعبينك معانا كفاية وقفتك معانا
حاتم: لا تعب ولا حاجه اهم حاجه يكون كريم مبسوط
وأثناء ما كانوا بيتكلموا الباب خبط، ودخلت سلمى كانت لابسة فستان رقيق وجميل عليها
دخلت الأوضة سلمت عليهم وراحت على كريم وباسَته
أما حاتم، فقلبه كان بيدق بعنف من الفرحة، ومقدرش يمنع نفسه يبص عليها
سلمى لاحظت نظراته اللي بترقبها، واتكسفت جدًا ووشها احمر من الخجل
كريم: شوفتي ياسلمي عمو حاتم جابلي ايه
مامت كريم: عيب ياكيمو اسمها طنط
سلمي: سبيه براحته، الله ايه العصافير الجميله دي جميله اوي
كريم: انا بحب اقؤلها ياسلمي
سلمي: احلي سلمي منك ياكيمو
حاتم: عرفت ان كيمو بيحب الفراشات وماكنش ينفع انها تكون في قفص فاحبيت اجبله العصافير دي
سلمي: ربنا يخليك انت بجد فرحته
