غرام الاسد الفصل السادس والعشرون
بقلم شروق محمد
سعاد: هتفضلو كدا ناقر ونقير اهدو كدا
اسد: خلي الحج سعد يبعد عن غرام وانا اسكت
سعاد وجوزها وغرام ضحكوا من هزار أسد ومرحه
اسد: يسلام ضحكتو اوووي ماشي
وبعد كام دقيقة، جرس الباب رن
اسد: اهي كملت ده عاصم وهاجر هروح افتح
أسد راح يفتح باب البيت
عاصم بإبتسامه: انت لحقت ترجع انا قلت مش راجع
اسد: ادخل ياخفه اهي كملت بهزارك
هاجر: ممكن ادخل اشوف صحبتي وانتو كملو هزار بعدين
اسد: مش عارف انتي مستحمله الواد ده ازاي
عاصم: ليه ان شاء الله ماتخلنيش اغلط وابوك قاعد اوعا
عاصم أبعد أسد ومسك إيد هاجر، ودخلوا سوا جوه
هاجر: وحشتيني
هاجر جريت على غرام وحضنتها بقوة
غرام من جواها حست إن الحضن ده مش غريب عليها كأنها عارفة صاحبته قبل كده، وحست كمان إنه كان أمانها بيضمها من زمان
هاجر: عامله ايه ياقلب جوجو
غرام: انا الحمد لله انتي عامله ايه
هاجر بصت لأسد باستفهام لأنها حست إن غرام اتغيرت
اسد: معلش ياهاجر غرام تعبانه شويه
هاجر: تعبانه ازاي مش فاهمه
عاصم: خلاص ياهاجر مش وقته
اسد: حصلتلها حادثه خليتها فاقده الذاكره
الكلمة وقعت على هاجر زي الصاعقة جريت على غرام وحضنتها وفضلت تبكي في حضنها
سعاد: بت ياجوجو خلاص احنا قولنا نجيبك تخففي مش تكملي
هاجر: يعني بعد الغيبه دي كلها اجي وانا هطير من الفرحه اجي الاقيها نسياني
سعد: ان شاء الله فتره وتعدي
هاجر: ان شاء الله
عاصم: تعالا يااسد عاوز اقعد معاك شويه
سعد: تعالو احنا نقوم ونسيبهم سوا
سعد خد عاصم وأسد وطلعوا سوا في البلكونة وسابوا سعاد وغرام وهاجر قاعدين مع بعض
عاصم: ممكن اعرف اي اللي حصل بالظبط يااسد وكمان مش عاوز تعرف اهلها لي
سعد: وانا كمان يااسد عاوز افهمليه النقطه دي
أسد قعد مع عاصم وسعد، وابتدى يحكي لهم كل اللي حصل من الأول للآخر
اسد: اظن ان انا قؤلتلك يابابا الكلام ده قبل كدا وهقؤله تاني ايهاب لو قابل غرام هيحصل مشاكل وانا واثق من ده فا بلاش الفتره دي انا بحاول اخلي نفسية غرام كويسه ومش عاوزين احباط ولا اي مشاكل
عاصم: عندك حق
سعد: بس منال تعبانه
اسد: معلش شويه بس والكل هيعرف
أسد كان قاعد معاهم بيحاول يفهمهم اللي في عقله وفضلوا يتكلموا سوا
——
نرجع تاني لأوضة الجلوس عند غرام وهاجر وسعاد
غرام: ممكن تكلميني عنك ياجوجو
هاجر: عيوني ياقلب جوجو
سعاد: وانا هقوم اعملكم احلي عصير مانجا عشان انتو بتحبوه واجي اقعد معاكم
