غرام الأسد الفصل السادس
بقلم شروق محمد
“في بيت ايهاب وتحديداً غرفة غرام”
لبست غرام فستان في منتهى الجمال وكانت طالعة قمر بلمسات خفيفة من المكياج زادتها جمال وجاذبية، لكن عيونها كانت حزينة وقلبها يوجعها… كيف قدرت توافق على واحد غير حبيبها اسد؟
سعاد: الله اكبر ايه الجمال ده ياقمر انت
غرام: حبيبتي ياعمتو انتي أجمل
منال: ماشاء الله قمر
غرام: تسلمي ياماما
هاجر: يعني انا لا ما انا كمان لابسه فستان وميكب زيها
ابتسمت منال وسعاد وغرام وقالوا لها بصوت واحد: ايه الجمال ده”
هاجر: يارزاق يارب ماكنتش طايله حد يقولي دلوقتي التلاته قالولي في وقت واحد
ضحكوا الثلاثه على هزار هاجر وقالت
غرام بابتسامة: انتي هتموتيني ناقصه عمر بطريقتك دي
هاجر: احنا هنستعبط انتي ميته لوحدك
سعاد: بس انتي وهيا اسكتو
منال: دول ماحدش هيخلص من كلامهم سوا
سعاد: غرام مالك حبيبتي مش مبسوطه ليه
غرام: مبسوطه اهو ياعمتو وبضحك عادي
سعاد: لا، قلبي بيقولي انك مش مبسوطه
منال: بتقولو ايه سمعونا معاكم
سعاد: تعالي يامنال معايا بره عاوزه اقؤلك كلمتين
منال: تعالي ياحبيبتي نسيبكم احنا يابنات شويه
أخدت سعاد منال وخرجوا من الاوضه علشان يتكلموا مع بعض شويه.
هاجر: تفتكري هيقولو ايه يابت يامورا
ضحكت غرام علي كلام هاجر وفضولها وقالت: يعني انا هضرب الودع واعرف هما بيقولو ايه
هاجر: ياواد ياجامد بتعرفي تتضربي الودع ومخبيه عليا اه يالئيمه انتي
ضحكت غرام بصوت عالي وهيا بتقول: لا كدا كتير هموت والله
هاجر: ياختي اضحكي، احنا نروح نسمعهم من ورا الباب ايه رايك ونشوف في ايه
غرام ماكنتش قادره تبطل ضحك علي هزار هاجر في الكلام اللي بتقوله وقالت: بت انتي مش هتعقلي خالص
هاجر: ياختي هما العاقلين عملو ايه بعقلهم بلا هم
—————-
علي جانب اخر
منال: خير ياسعاد في ايه
سعاد: هسألك سؤال وجاوبيني بصراحه من غير لف ولا دوران لاني لاصغيره ولا هبله
منال: حاضر ياسعاد قولي قلقتيني في ايه
سعاد: غرام مالها دايما حزينه والدموع مش بتنشف من عنيها وزي مايكون الخطوبه دي مغصوبه عليها
منال: لا مغصوب عليها ولا حاجه والدموع دي دموع الفرحة زي اي بنت
سعاد: بقي كدا ماشي بس اعرفي لو غاصبين عليها انا ماعتش هدخل البيت ده تاني ولا ليا دعوة بيكي
منال: وبعدين بقي ايه لازمة الكلام ده
سعاد: انتي عارفه غرام بالنسبه لينا ايه ومابنحبش نشوف نظرة الوجع ولا الكسر الي شايفينها دي والله ماهدخلك بيت تاني لو ماقلتي الصراحه
