غرام الأسد الفصل السادس

هاجر: ايوه ياله انا حاسه اني في صحرا

منال: صحرا طيب تعالي ياكلب البحر نتفاهم برا

خدت منال هاجر وراحو  المطبخ سوا وقفت هاجر في نص المطبخ وهيا بتقول ايه دا كله دا انا لو فضلت اكل فيهم لبكره مش هيخلص

ضربتها منال بخفه على كتفها وهيا بتقول

كلي وانتي ساكته

في اوضة غرام

قالت سعاد: ليه كدا مورا

غرام: ليه ايه ياعمتو مش فاهمه

سعاد: عرفت انك مش عاوزه تتجوزي ومغصوبه عليها ليه تعملي في نفسك كدا

حضنت غرام سعاد بقوة وانفجرت في العياط

سعاد: انا هطلع لأبوكي ده واعرفه انه عمل اكبر غلط في حياته وانا مش هسيبك هنا تاني

غرام: لا ياعمتو هيزعل هو وعمو وكمان هيعمل مشكله مع ماما وهما كل شويه في مشاكل بسببي وبسبب جوازي،وبعدين خلاص ده نصيبي

سعاد: ياحبيبتي ماتعمليش في نفسك كدا ده جواز

غرام: خلاص ياعمتو كدا احسن ماعمو وبابا يزعلو سوا واكون انا السبب

سعاد: لا حول ولا قوة الا بالله

غرام: عن اذنك هقوم اغسل وشي واحاول اظبطه تاني

سعاد: انا مش عارفه بتعملي في نفسك كدا ليه قومي ياغرام قومي ولما أشوف اخرتها

“قامت غرام وراحت الحمام تغسل وشها من آثار العياط”

———————

“وصل اسد المطار ”

وليد: هتوحشني ياصاحبي

أسد: أنت أكتر ياغالي خد بالك من نفسك

وليد: وانت كمان وابقي طمني عليك علطول ولو عوزت اي حاجه كلمني وانا عيوني ليك

أسد: ربنا يخليك ليا

وليد: ماتغبش في سفريتك دي بدل ماتلاقيني عندكم في مصر كمان يومين

أسد: يعني اسافر انهارده واجي بكره

وليد: لا تعالا انهاردة

“تعالت ضحكات أسد، ومد وليد إيده يسلم عليه وهو زعلان على فراقه. من كتر الحزن، نزلت دمعة من عينه.”

أسد: ماكنتش اعرف اني غالي عندك كدا

وليد: واكتر يااخويا وصاحبي

أسد: بتوجع قلبي ياوليد ماتيجي معايا وخلاص

وليد: ياريت لو ينفع بس انت عارف الشركه هنا

اسد: ربنا يوفقك ياصاحبي

وليد: ان شاء الله، ياله لا اله الا الله

اسد: محمد رسول الله

“”ساب أسد وليد وراح يخلّص إجراءات السفر، وبعد ما خلّصها بفترة قصيرة، طلع الطيارة وبعدين قال وهو بدأ يسرح في الماضي

يااااااه ياقلب الاسد

غرام: ايه دا هو احنا فينا من كدا

اسد: هو ايه يامورا

غرام: انك بتسرح وكدا اوعا تكون بتحب

كانت غرام بتتكلم معاه وهيا خايفة من رده فعله عليها

ويقول إنه فعلا بيحب

اسد: غرام سبيني انتي عارفه لما اكون مدايق بفضْل اكون لوحدي عشان ماحدش يزعل مني