غرام الأسد الفصل السادس

غرام: وانا مش حد يااسد زي مابتخاف عليا وتحميني وتسمعني انا عاوزه اسمعك وانت مدايق ومش همل لانك علمتني الاصرار

اسد: اها يبقي انا الي جبته لنفسي ابو تعليمي ياشيخه

ضحكت غرام ببرائه: ايون كدا اضحك اهو التعليم المجاني الي عامل فينا كدا

أسد: مجاني مين يابت انتي، دا انتي لوحدك متعلمه بي الفاااااات مؤلفه

غرام: شوف ازاي ومالك بتضغط علي الفاااااات كدا

اسد بإبتسامه: ازاي، ومش هقؤلك وياله شوفي طريقك

غرام: الاول قولي مالك وانا همشي

اسد: بحضر ورقي ومسافر

اختفت الابتسامة اللي كانت منوّرة وشها واتبدلت بخوف وقلق وعيونها بدأت تلمع بالدموع

أسد: مالك في ايه

غرام: انت قلت ايه اصلي سمعت غلط

أسد: لا يامورا سمعتي صح

غرام: مورا وزفت وبعدين سفر ايه

اسد: اولا مااسمحش لحد يقول لمورا يازفت تاني حاجه سفري ده لازم ولابد منه ده مستقبلي

غرام: وانا أقصد يعني مين هيدافع عني ويخاف عليا ويحميني من اي حد واي حاجه

في اللحظة دي كان نفسه ياخدها في حضنه ويطمنها وكان عايز يقول لها إنه دايماً جمبها وعينه بتدور عليها في كل مكان بس مش كل اللي القلب بيتمناه بيحصل هي لسه مش ملكه

اسد: غرام ده مستقبلي ولازم ابنيه بنفسي

غرام: مااحنا معانا وعمو معاه ليه الغربه والتعب

أسد: انا ماليش دعوه بيهم انا ليا دعوه بنفسي عاوز يكون ليا اسمي ووضعي بنفسي مش بحد

غرام: طيب ادخل شريك مع عمو في شركه انت بمجهودك وهو بفلوسه

أسد: لا ياغرام انا مسافر ازداد خبره وكمان اشتغل كلها سنتين تلاته واجي استقر

غرام: سنتين تلاته يااااه بالساهل كدا طيب فكر تاني او غير رأيك واشتغل هنا

اسد: انتي عارفه لما باخد قرار مش بتراجع فيه

غرام: يعني كدا خلاص قررت وهتنفذ

اسد: ان شاء الله

سابته غرام وجريت بسرعة ودموعها مغرقة وشها كانت بتجري في الشارع وبكاها بيزيد على حبيبها اللي رافض يعترف بحبه ليها وعايز يسيبها لوحدها ويسافر

قال اسد لنفسه: استغفر الله العظيم مش قادر اقؤلك اني بعمل كدا عشانك نفسي اضمك ليا بس خايف اسافر وما احققش الي بتمناه، الغايب ده في علم الغيب اااه ياوجع قلبي فراقك صعب اووي ياغرام

سعاد: ليه كدا يااسد وكمان سبتها تمشي لوحدها

اسد: ماينفعش اروح وراها لازم تقبل حكاية سفري

سعاد: وليه ياقلب امك تسافر وتوجع قلبنا

اسد: ماما ارجوكي احنا اتكلمنا في الموضوع ده كتير