غرام الاسد الفصل السادس والعشرون

أما حاتم فكان واقف مذهول بيها، بكلامها وطريقتها ولأول مرة يحس بحاجة ناحية بنت اتصدم من نفسه لأنه عمره ما وقف مع بنت واتكلم معاها بالشكل ده، ولا حس الإحساس ده قبل كده

———-

في بيت هاجر كانت قاعدة فرحانة من الخبر اللي قاله عاصم لها عن رجوع غرام وبعدها مسكت التليفون وكلمت عاصم

هاجر: عصوم حبيبي

عاصم: اها لما بتقولي عصوم حبيبي بيكون في حاجه

هاجر: لاطبعا دا انا بوريئه

عاصم: اسمها بوريئه انتي غلط علي البشريه

هاجر بسعاده: تعرف ان انت اللي هتموتني بحبك

عاصم: ايوه كملت عاوزه اي ياقلب عصوم ياله في الأنجاز ياقمر عشان ورايا شغل

هاجر: لا انت انهارده اجازه عشان نروح لاسد وغرام

عاصم: ايوه قولي كدا ما انا قلت برضه البت مش هتحبني كدا لله في لله

هاجر بإبتسامه: اخس عليك دا انت القلب

عاصم: انتي شبر ونص اه بس عليكي كلام يابوي

هاجر: إكده تمام جوي جوي

عاصم بإبتسامه: طيب ياله ياشقيه اجهزي وانا جاي اخدك ونروح سوا

هاجر: قلب جوجو انت سلام ياعيوني

هاجر خلصت المكالمة وقامت تستعد وراحت لمامتها تستأذن منها، وقالتلها إنها هتروح مع عاصم

—————-

كان أسد وغرام ماشيين سوا على الكورنيش قدام النيل والجو جميل وممتع

غرام: طيب ليه لما انت بتحبني كدا ما اختش اي خطوه قبل ماتسافر ليه سبتني كدا زي مابتقول اتوجع

اسد: صدقيني حبيت اكون قد المسؤليه انا لا حبيت ولا هحب غيرك انا عرفت معني الحب معاكي نظراتك ليا قلقك عليا اعجابك بيا

غرام: بس زي ماانا شايفه انت مش محتاج تسافر

اسد: حبيبتي انا ليا تفكير تاني، انا عاوز كل حاجه تخصنا تبقي من تعبي انا وافتح الشركه الي نفسي فيها

غرام: يعني انت شايف ان ده تفكير كويس

اسد: كل واحد ليه تفكير وشخصيه وده تفكيري وشخصيتي انا في الاول والاخر عملت كل ده عشان تكوني معايا وليا وملكي

بعد شوية رن موبايل أسد

اسد: مين الرخم اللي بيرن عليا ده ثواني اشوف اها مش بقول رخم دا الواد عاصم سامحيني ثواني

غرام: اتفضل

اسد: ايوه يارخامه

عاصم: رخامه اها تبقي قاعد مع الغرام

اسد: واد انت احترم نفسيتك

عاصم بإبتسامه: نفسيتي محترمه بس لساني هو الي جايبلي المشاكل وحياتك

اسد بإبتسامه: مالكش دعوه بحياتي اصلها مش ملكي فاهم

عاصم: ياحونين انت ياحونين، اومال ملك مين

اسد: مِلك الغرام، وإخلص ياواد عاوز اي