غرام الأسد الفصل السابع

فضلت غرام ماشية وهي بتعيط والحزن مالي وشها كانت زعلانة على فراق أسد لحد ما رجليها تعبت فقررت تروح البيت أول ما وصلت دخلت أوضتها بسرعة منال لاحظت ده فدخلت وراها الأوضة وقالت: مالك يامورا في ايه

غرام: مافيش ياماما سبيني عاوزه اكون لوحدي

منال: ازاي اسيبك وانا شايفه دموعك دي دا انتي بنتي

غرام: عاوزه اكون لوحدي

منال: وانا عمري ماهسيبك فاهمه، قولي مالك ياقلب امك

غرام: اسد

منال: ماله ياغرام انطقي وقعتي قلبي

غرام: اسد مسافر وسايبني هيسافر ويسيب هنا

منال: ايه الهبل الي بتقوليه ده هيسافر فين وليه

غرام: ياريته كان هبل انا كنت عند عمو وهو قالي

حضنت منال غرام بحب، وقالت: اهدي وفهميني ايه الي حصل بالظبط

فضلت غرام في حضن والدتها بتعيط ومنال بتحاول تهديها لحد ما بدأت غرام تحكيلها كل اللي حصل معاها لحد ما وصلت البيت

منال: طيب حبيبتي ممكن يكون ليه وجهت نظر احنا مش شايفنها او عارفينها

غرام: ودا ليه ولا ازاي

منال: حبيبتي كل واحد بيشوف الموضوع من جهه غير التاني يعني انا بشوف من وجهة نظري ان ده شاب عاوز يعتمد علي نفسه ويستقر بذاته انتي شيفاه ان قراره غلط وانه يعتمد علي فلوس ابوه، مامته شايفه انه كدا بيحرمها منه وعاوز يسافر كل واحد بيشوف الموضوع من وجهة نظره وكل واحد ليه رأي مختلف وكل واحد لازم يحترم رأي التاني

الأختلاف في الرأي لا يفسد للود قضية فهماني يامورا

غرام: فاهمه بس ياماما

منال: حبيبتي انتي لسه صغيره والدنيا لسه هتعلمك كتير وهتعرفي أكتر ادعيله ان يكون القرار ده صح وان ربنا يرزقه في الغربه وبدل مانقف في وشه كدا ندعيله

غرام: بس انا اتعودت علي وجوده وانه سكتت غرام وماكملتش جملتها

منال: وانه ايه كملي

غرام: مافيش ياماما انا هقوم اصلي وادعيله

منال: ماشي يامورا قومي ربنا يتقبل منك

سابت غرام والدتها وراحت تتوضى وتصلي وتدعي لأسد ولنفسها إن ربنا يجعل كل ده خير ليهم

فضلت منال سرحانة في كلام غرام وعقلها مشغول بكل اللي سمعته

(ياتري ياغرام انتي اتعودي علي وجوده ولا في حاجه تانيه خايفه تكوني بتحبيه وهو مش في دماغه ويكون بيعاملك انك اخته وبيخاف عليكي مش اكتر)

دقيقه ورن تليفون منال

سعاد: الو اذيك يامنال عامله ايه

منال: بخير ياحبيبتي طمنيني عليكي وعلي اسد وسعد

سعاد: كلنا بخير ياحبيبتي بقؤلك