غرام الأسد الفصل الثامن

في بيت إيهاب المنشاوي، دخل حسام وعائلته للداخل

ايهاب: اهلا اهلا بعريسنا اتفضل

حسام: اذيك ياعمي

ايهاب: اهلا حبيبي ده عمك سعد اخويا الكبير

وقف إيهاب ليعرّف حسام على أخيه سعد

حسام: تشرفنا ياعمي

سعد: الشرف ليا ياابني اذيك ياحسين

حسين: والله ليك واحشه ياسعد فينك ياعم

سعد: موجود ياغالي اتفضلو

ايهاب: عن اذنكم

راح إيهاب يدور على منال عشان يخبرها بوصول حسام.

ايهاب: منال ياام غرام

منال: نعم ياايهاب

ايهاب: ياله خلي غرام تيجي حسام وصل

منال: حاضر وخليك عارف انك دايما بتكسر قلبها

ايهاب: انا برضه بكره تشوفي ان انا صح وبطلي هبل بقي شويه

قالت منال في نفسها: فعلا بكره نشوف

ودخلت منال وهاجر غرفة غرام عشان يخبروها بوصول حسام.

هاجر: ياله ياعروسه العريس وصل

انقبض قلب غرام وما قدرتش تتحرك من مكانها

نظرت سعاد لها بنظرات شفقة وحزن على حالها وما وصلت إليه.

منال: ياله يابنتي قومي

هاجر: ياعروسه ياعروسه العريس وصل

غرام: هو لو انا قلت مش عاوزه اتخطب ايه الي هيحصل

هاجر: انتي بتقولي ايه ياغرام

سعاد: ولا هيحصل ايه حاجه وانا معاكي

منال: لا هيحصل ياغرام ابوكي وشه هيكون في الارض وهيزعل هو وعمك وصاحبه وهيقول ان انا الي قويتك

سعاد: منال انا معاها قدام اي حد

منال: ماينفعش ياسعاد انا قلت ليها الكلام ده من الاول

غرام: خلاص ياجماعه الي حصل حصل ياله نطلع

وقفت غرام، وحسمت أمرها وخرجت معهم

——————

أنهى أسد الإجراءات فور وصوله وأخذ شنطه وركب العربية متجهًا إلى المنزل بعد وقت قصير

وصل أسد إلى البيت ودخل بهدوء عازمًا على مفاجأتهم جميعًا

سوسو ياسوسو فينك هو مافيش حد هنا ولا ايه يكونو راحو فين يعني اااااه قد ايه البيت وحشني وكل الي هنا واحشني هقوم اخد شاور علي مايجو اكيد بيتمشو سوا اه ما هما حبيبه بقي قام أسد ياخد دش وأدى فرضه ليرمي نفسه على السرير وغرق في نوم عميق من التعب

——————

نرجع لبيت غرام مره تانيه

هاجر: ابتسمي ياغرام الناس هتقول علينا ايه

غرام: مش قادرة مش قادرة اكمل انا هقؤلهم اني مش عاوزه الجوازه دي والي يحصل يحصل

هاجر: اعقلي ياغرام مايصحش هيحصل مشاكل كتير

غرام: وايه الي يصح اني ارمي نفسي في النار انا مش طيقاه شايفه الغرور الي فيه

حسام: القمر ماله مكشر ليه

غرام: نعم حضرتك بتقول حاجه