غرام الأسد الفصل الثاني عشر

‘في بيت سعد المنشاوي خدت منال الاوضه عشان تتكلم معاها

منال: مالك يامورا حساكي مش مبسوطه في حد زعلك تحبي ترجعي معايا

غرام: لا ابدا ياماما مافيش حاجه بس صعبان عليا ان بابا زعلان مني مش اكتر

منال: ياحبيبتي هو زعلان بس عشان طريقتك والي عملتيه يوم الخطوبه وخلتيه يزعل من اخوه وصاحبه

غرام: ماكنتش قادرة ياماما كنت حاسه اني هموت صعب صعب اوووي والله

منال: ما انا قلت ليكي في الاول وماسمعتيش الكلام

غرام: قلت هجرب عشان خاطر بابا بس ماقدرتش

منال: طيب وبعدين هنفضل كدا وهتفضلي بعيد عني

غرام: معلش ياماما لغاية بس لما بابا يهدي ويروق

منال: اسد كلمك لما رجع من السفر

‘سرحت غرام في كلام اسد لما كان قاعد مع باباه

منال: بت سرحتي في ايه

غرام: لا ياحبيبتي ماسرحتش ولا حاجه

منال: بقؤلك اتكلمتو سوا

غرام: لا كلام عادي الي هو اذيك عامله ايه بس كدا

منال: انا عاوزه اخدك معايا ماينفعش تفضلي هنا

غرام: حبيبتي هو اصلا كلم باباه وقاله انه هيمشي يقعد بره في بيت تاني لانه ماينفعش يقعد هنا وانا هنا

منال: اسد ده فعلا محترم وراجل

غرام: خديني في حضنك ياماما محتجاله اوووي

‘خدت منال غرام في حضنها وهيا بتطبطب عليها لغاية ما راحت في النوم

منال: ياااه زي الاطفال يامورا ربنا يسعدك ياقلبي

——————-

“عدى شهر”

في بيت سعد وخصوصاً في اوضة سعد كان قاعد مع مراته بيتكلمو سوا

سعاد: ممكن اعرف السبب

سعد: سبب اي ياسعاد

سعاد: بقالي شهر بسألك وعوزاك تقولي ليه كل مااجي اتكلم في موضوع غرام مع اسد بتمنعني، ومع ذالك انت سألته وهو جاوبك

سعد: ياسعاد ياحبيبتي انا بقول عليكي ذكيه وبتفهميها وهيا طايره، ينفع تقولي لأسد كل حاجه كان عمه بيعملها ويكون في حزازيه بينه وبين عمه اكتر وكمان اوجع قلبه كفاية الي حصل

سعاد: علي اساس ان ايهاب في دماغه وسأل اووي علي بنته وفعلا اسد لازم يعرف مش فاهمه موقفك الصراحه

سعد: موقفي خايف علي ابني، انا اب انحرم من ابنه تلات سنين وكمان سافر عشان يحقق حلمه ويتحوز غرام اجي اقوله كذا وكذا، خلاص انا قدرت احمي غرام ومستعد احميها واخبيها جوايا من اي حد يأذيها،وعرفت شعور اسد ليها وبقيت متأكد ان اسد هيخاف عليها ويحميها كمان

سعاد: فهمت يعني خايف علي الاتنين وفي نفس الوقت مش عاوز اسد يغلط مع عمه، وبرضه فهمت اسد بأسلوب كويس صح كدا