غرام الأسد الفصل الثالث عشر

تاني يوم الصبح في بيت سعد المنشاوي

سعاد: صباح الورد

سعد: صباح الخير

سعاد: مالك يا سعد في ايه شكلك زعلان كدا ليه

سعد: اسد مصمم يرجع غرام لأبوها وانا خايف عليها اوووي ابوها عنيد ودماغه ناشفه

سعاد: يعني انت هتكون احن عليها من ابوها

سعد: ايوه احن عليها منه واعرف مصلحتها عنه دا عاوز يجوزها ابن صاحبه لمجرد ان مش عاوزه يزعل صاحبه

سعاد: طيب وبعدين هنعمل ايه وكدا غرام هتقول اننا مدايقين من وجودها وهتفهم غلط

سعد: مش عارف اعمل ايه مع ايهاب وقرار اسد ده

سعاد: طيب واسد ناوي علي ايه

سعد: بيقول عاوز يرجعها عشان يتقدم ليها علطول ويتجوزو بس انا عارف اخويا هيتصرف ازاي

سعاد: سيبها علي الله وان شاء الله هتتحل

سعد: يارب ياسعاد يارب انا هقوم اصلي ركعتين

سعاد: قومي ياحبيبي ربنا يتقبل ويحلها من عنده

سابها سعد وقام يصلي ويدعي ربنا إن الأمور دي تتحل

——————-

في المدرسة اللي غرام شغالة فيها

هاجر وصلت المدرسة، وراحت على المكتب اللي بتقعد فيه مع غرام، ولقت غرام قاعده والإبتسامة ماليه وشها

هاجر: غريبه يعني يامورا

غرام: ايه يابت الي غريب في ايه

هاجر: اول مره ادخل المكتب الاقيكي مبتسمه والفرحه هتنط من عنيكي خير يارب فرحيني معاكي

غرام: ياساتر طيب قولي حتي ماشاء الله

هاجر: يسلام طيب ماشاء الله ها قولي ايه السر بقي

غرام: الاسد نطق ياااابوووي هقلب صعيدي حالا

هاجر ضحكت بصوت عالي على هزار غرام، وقالت

ياااااه، اخير ابو الهول نطق وقال ايه بقي

غرام: بت احترمي نفسك اسمه الاسد ملك قلبي

هاجر: الله الله وايه كمان بقينا حبيبه

غرام: قالي ياامه قالي اااه وبدأت غرام تتراقص بسعاده

هاجر بابتسامة: انتي هتغني وترقصي اخلصي هموت واعرف حب الاستطلاع هيموتني

غرام: قال اني غرام الاسد وانه كان طول ماهو مسافر موجود معايا وشايفني وبيطمن عليا واني كل حاجه ليه وانه سافر عشاني انا، الله عليك يااسد قلبي وروحي

هاجر: بت فوقي يالهوي انتي اتجننتي خالص

غرام: ياخرابي علي وسامته وجماله وهو بيتكلم او وهو بيضحك ياخرابي اسد اسد مافيش كلام

هاجر: هموت من كتر الضحك يابت اهدي هيجرالك حاجه سبحان مغير الاحوال بس انا فرحانه اووي عشان شيفاكي فرحانه ومبسوطه

غرام: مش عارفه اسيطر علي قلبي بس مش عارفه قلقانه ليه وخايفه

هاجر: هو احنا كدا يابنات كل مايحصلنا حاجه حلوة نخاف ونقلق وندور علي حاجه تبوظ فرحتنا