غرام الأسد الفصل التاسع عشر
بقلم شروق محمد
في عربية احمد
احمد: وبعدين ياماما
فاطمه: وبعدين في ايه يالي دايما جايبي المصايب
احمد: اعمل اي يعني ماهيا الي جرت علي العربيه هو انا الي روحت خبطها بمزاجي
فاطمه: خلاص اسكت وربنا يستر
احمد: تفتكري هتموت دي تبقي مصيبه انا مش ناقص
فاطمه: ياابني بلاش كلامك الوحش ده وادعي ان ربنا يسترها وتعدي علي خير
احمد: يارب طيب هنروح فين دلوقتي
فاطمه: يعني ايه هنروح علي فين
احمد: يعني لو روحنا مستشفي كبيره او خاصه، اولا فيها سين وجيم وثانيا معناش فلوس تكفي المستشفيات الكبيره دي
فاطمه: هنوديها في المستشفي اللي اختك شغاله فيها اهي صغيره والدكتور اللي هناك بيعز اختك وربنا يستر ومش هيسأل واختك هتقوله دي قريبتنا
احمد: تصدقي انا نسيت خالص طيب كلميها وعرفيها
فاطمة كلمت بنتها وحكتلها اللي حصل، وقالتلها إنها جاية المستشفى مع أحمد وبعد شوية وصلوا فعلاً وكانت سلمى مستنياهم وخدوها على أوضة الطوارئ علشان يعالجوها
___________
في مكان تاني وتحديدا في عربيه حسام
نجلاء: انا قؤلتلكم بلاها الجوازه دي ماسمعتوش كلامي وفضلتو مصممين عجبكم كدا
حسين: خلاص يانجلاء كفيانا كلامك ده وارحمينا
حسام: ممكن افهم الي حصل ده، مش انت قلت انك متأكد من صاحبك
حسين: ايوه وهو الي كلمني وقالي تعالا حسام لغرام ده الي خلاني صالحته وجيت وعرفتك بالمكالمه
حسام: اومال اي الي عملوه ده والست غرام مشيت راحت فين ولا كلام امها ولا عمها اللي واقفلنا في الزور
نجلاء: قلت من الاول بلاش عِند، البت شكلها مغصوبه علي الجوازه
حسين بغضب: بس بقي فهمينا انتي مع مين فينا
نجلاء: مع الحق والاصول والدين مش عشان سعادة ابني هدمر انسانه الرحمه
حسام: بقي كدا يعني من الأخر انتي معاها تمام اوي انا عارف ازاي أخليها تندم انها عملت كدا معايا لتاني مره
نجلاء: ربنا يهديك وترجع لعقلك قبل ماتندم ويحصل حاجه تفوقك ياابني
وصلوا البيت وطلعوا كلهم فوق ودخل حسام أوضته وكلم حد في التليفون
—————–
وصل سعد بيته لقى مراته قاعده في اوضة الجلوس مستنياه
سعاد: الله فين اسد وغرام انت ماجبتهاش ليه
سعد بحزن: اجيب مين بس ياسعاد
سعاد: مالك ياسعد اتكلم علطول في ايه ومالك زعلان كدا
قعد سعد بحزن وقال: غرام عرفت كل حاجه
اتخضت سعاد واتكلمت بحزن وزعل: عرفت، عرفت ايه بالظبط
