غرام الأسد الفصل الثاني والعشرون

في صباح يوم جديد في شقة صغيرة كان أسد مأجرها عشان يقعد فيها الفترة اللي بيدور على غرام فيها، كان قاعد سرحان وبيفكر في غرام رن تليفونه وكان عاصم اللي بيتصل

عاصم: فينك يااسد حرام عليك نفسك

اسد: عاصم سبني بالله عليك

عاصم: اسيبك ازاي يعني انت فين يااسد

اسد: في ارض الله الواسعه

عاصم: اخلص يااسد انت فين

اسد: عاصم انا عاوز افضل لوحدي بعد اذنك

عاصم: حرام عليك بلاش كدا قولي يااسد عنوانك فين

أسد إدى العنوان لعاصم وقفل المكالمة عاصم قام غير هدومه بسرعه وراح لأسد، وبعد شوية وصل له

عاصم: ايه يااسد في ايه كل ده عشان ترد وتخليني اشوفك

اسد: معلش ياعاصم انا عاوز افضل لوحدي زي ماقؤلتلك

عاصم: وانا مش هسيبك لوحدك ولازم تفوق لمستقبلك شويه وتهتم بشركتك بقي

اسد: مش عاوز شركه ولا عاوز حاجه من الدنيا دي

عاصم: ده عمره ماكان تفكيرك يااسد حرام عليك نفسك وباباك مش حمل شغل ولا زعل

اسد: انا شوفتها وكلمتها بس هيا هربت مني

عاصم: انت بتتكلم علي ايه براحه كدا وفهمني

اسد: قبلت غرام وكلمتها بس بتقولي انها مش غرام وكان معاها شاب وبيقول عليها خطيبتي حتي هيا ماعرفتنيش ماعرفتنيش ياعاصم

أسد كان ماسك كوباية قهوة ولما اتعصب رماها على الأرض بغضب

ليه ليه تعذبني وتعذب نفسها ليه

عاصم: اهدا يااسد مش كدا وبعدين ما يمكن تكون شبها يخلق من الشبه اربعين

اسد: وانا عمري ما اتوه عن روحي ولا عن نفسي دي نفسي اتوه عنها ازاي انا متأكد انها هيا بس ليه ماعرفتنيش انا هتجنن

عاصم: حاجه محيره فعلا طيب ماعرفتش هيا ساكنه فين او المنطقة دي فين

اسد: لا ماعرفتش بس كانت في محل لعب اطفال وفاجأة أسد وقف كأنه افتكر حاجة

عاصم: وقفت كدا ليه رايح فين

اسد: هروح نفس المكان ممكن اشوفها

عاصم: يبقي هاجي معاك

اسد: لا روح الشركه وخد بالك من الشغل انا عارف اني متقل عليك معلش اعذر اخوك

عاصم: عيب عليك اهو انت قلت اخوك

اسد: بلاش تجيب سيره لحد بالي قولته ليك ولا حتي هاجر فاهمني ياعاصم

عاصم: حاضر ياصاحبي ربنا معاك اسيبك انا بقي

اسد: ماشي ياصاحبي

أسد غير هدومه ونزل بسرعه وركب عربيته ورجع على المكان اللي قابلها فيه أول مرة

__________

ملاك نزلت الصبح بدري عشان تروح محل ألعاب الأطفال تشوف الشغل الجديد زي ما الراجل قال لها المرة اللي فاتت وصلت للمحل ودخلت