غرام الأسد الفصل الثالث والعشرون
بقلم شروق محمد
سلمي خلصت شغلها وقابلت صحبتها وابتدوا يدوروا على الفستان شيك ومناسب
سلمي: ها ياعروسه ناويه تروحي علي فين
مها: عاوزه اروح علي الأتيلاهات كلها وافضل اقيس الفساتين كلها فستان فستان
سلمي بإبتسامه: مجنونه من يومك
مها: يعني هعمل خطوبه كل يوم ياختي خليني افرح
سلمي: ربنا يفرحك يااجمل مها في الدنيا
مها: وانتي اجمل واحلي صاحبه ليا، ياله بقي نبدأ عارفه كام مكان بس ايه روعه ياسلمي مش بيدخلوه غير ولاد الناس
سلمي بإبتسامه: يعني ولا الناس بس انا مش هرد ولا هغلط
مها بضحكات عاليه: يابت خليكي فرش كدا
سلمي: فرش شيفاني تلاجه
مها: لافريزر
سلمي ومها فضلوا يضحكوا ويهزروا سوا وابتدوا يدوروا في بعض الأتيليهات عشان يختاروا الفستان المناسب
—————-
عند عاصم وبالظبط في مكتبه كان قاعد بيراجع شوية أوراق مهمة وبعد شوية حاتم طلبه يروح عنده
عاصم: الو حاتم باشا
حاتم: تعالا المكتب ياعاصم عاوزك
عاصم: في جديد ولا ايه، ومال صوتك
حاتم: لا ابدا بس هتحضر الاجتماع مكاني
عاصم: حاضر جاي حالا
عاصم قام وراح على مكتب حاتم
عاصم: مش هتحضر الاجتماع ليه دي اول مره تعملها
حاتم: دادة كريمه كلمتني وقالت ان ماما تعبانه وانا لازم اروحلها بسرعه
عاصم: طيب ياله بينا انا جاي معاك انت قاعد ليه
حاتم: لا خليك انت عشان الاجتماع وانا هبقي اطمنك
عاصم: طيب ياله قوم وأبقى طمني
حاتم: طيب خد الاوراق دي راجعها كويس وندي معاك هتساعدك
عاصم: تمام ياله انت بقي وماتنساش تطمني
حاتم قال لعاصم كل تفاصيل الاجتماع ونزل وركب عربيته بسرعه وراح على الفيلا وبعد شوية، رن تليفونه، وكان اللي بيتصل والدته
حاتم: الو ماما انتي كويسه
سهام: حبيبي انا خالتو
حاتم: خالتو ماما كويسه في حاجه حصلت
سهام: لا ياحبيبي ماما كويسه والدكتور جه وطمنا عليها وهيا اللي طلبت مني اكلمك عشان تطمن
حاتم: لا انا في الطريق وجاي خليها تكلمني
سهام: حاضر ياحبيبي
سهام أدت التليفون لمامت حاتم عشان تكلمه وتطمنه إنها بخير
مرفت مامت حاتم: حبيبي انا كويسه
حاتم: ماما حصل ايه طمنيني
مرفت: حبيبي بلاش تقلق كدا انا كويسه خليك في شغلك
حاتم: لا انا جاي وبلاش تتكلمي كتير
مرفت: حاضر، سلام ياروحي
مرفت خلصت المكالمة وأتنهدت من التعب، أما حاتم، كمل طريقه عشان يروح لمامته
———-
