غرام الأسد الفصل الرابع والعشرون

في الأتيليه، كانت سلمي ومها بيدوروا على الفستان المناسب

سلمي: ها يابنتي هتعملي ايه

مها: تعبتي صح

سلمي: يابنتي انتي اتفرجتي علي خمسين فستان وياريت حاجه عجبتك

مها: كلهم مش حلوين

سلمي: اصوت منك كل الاتيلاهات فساتينهم وحشه

مها: بااااس فاضل واحد بس وفي منطقه راقيه شويه بس اي حلو اوووي

سلمي: وانتي ايه عرفك

مها: اصحابي قالولي عليه

سلمي: صبرني يارب طيب ياله بينا

مها أخدت سلمي وراحوا على المحل اللي قالت عليه

سلمي: وااو شكله من بره تحفه وشكل الفساتين تجنن من بره اومال من جوه هيكون ازاي

مها بإبتسامه: مش بقؤلك ابن ناس انا خليته للآخر عشان نشوف الفرق

سلمي: دا مافيش وجه مقارنه اصلا

مها: طيب ياله بينا ندخل

سلمي: طيب ادخلي وانا هقف هنا اكلم ماما عشان من ساعتها بترن عليا

مها: اوكي بلاش تتأخري ماشي

سلمي: حاضر بس انجزي اختاري علي مااخلص المكالمه

مها دخلت الأتيليه عشان تختار الفستان المناسب أما سلمي فضلت واقفة بره بتتكلم مع مامتها في التليفون

———–

في عربية حاتم كان ماشي في الطريق رايح على الفيلا وبعد شوية عاصم رن عليه

عاصم: ها ياحبيبي عملت اي

حاتم: لسه في الطريق اهوه خلاص قربت

عاصم: تمام انا حضرت كل حاجه وداخل الاجتماع اهوه

حاتم: ماشي ياصاحبي بس بقؤلك

عاصم: اي ياغالي في اي

حاتم: خد بالك من البنود كويس

عاصم: ماتقلقش كل حاجه هتبقي تمام

حاتم خلص المكالمة مع عاصم وما خدش باله مين اللي بيجري قدام عربيته ضغط الفرامل في آخر لحظة ووقف العربية ونزل منها بسرعة الناس اتجمعت حواليه وابتدوا يلوموه ويعاتبوه

——-

سلمي كانت واقفة قدام الأتيليه بتتكلم مع مامتها في التليفون

فاطمه: اتأخرتي كدا ليه حبيبتي

سلمي: معلش ياماما عروسه بقي وكدا وبتحب تجيب حاجتها كلها

فاطمه: ماشي حبيبتي بس بلاش تأخير

سلمي: حاضر

سلمي كانت بتتكلم في التليفون مع مامتها وبتتأسف على تأخيرها لقت حد بيجري في الطريق وما خدش باله من العربية اللي جاية عليه، خلصت المكالمة بسرعة وراحت ناحية الحادثة

————-

عند أسد وملاك في الكافية، أسد وقف ومد إيده لغرام

اسد: ياله ياغرام نمشي من هنا تعالي روحي بيتك

غرام: للأسف يااسد لازم اروح عند الخاله فاطمه وكمان انا لسه ماافتكرتش حاجه

اسد: وانا مش هسيبك لوحدك هاجي معاكي وتعرفوني كل حاجه حصلتلك وبعد كدا ترجعي معايا