غرام الاسد الفصل الخامس والعشرون
بقلم شروق محمد
في صباح يوم جديد الشمس دخلت بنورها على الأوضة اللي فيها غرام، صحيت من نومها وقامت اتوضت وصلت فرضها وفضلت تدعي ربنا إن الأيام الجاية تبقى خير ليها وللي حواليها
أما أسد صحى من نومه دخل ياخد شاور وبعدها صلى وشكر ربنا على رجوع غرام ليه
وسعد هو وسعاد صحوا هما كمان، اتوضوا وصلوا وبعدها طلعوا أوضة الجلوس ودخل عليهم أسد سلم وقعد معاهم
اسد: صباح الخير ياسوسو
سعاد: قلب سوسو وحشتني كدا تسيب البيت الفتره دي كلها للدرجادي احنا مش غالين عندك
اسد: لأ طبعا مين قال كدا دا انتو نور عيوني انتو حياتي
سعد: ياراجل بطل بكش، وبقؤلك اي بطل كلمة سوسو دي كمان انا بقؤلك اهوه
اسد: ياراجل ياعجوز انت لسه بتغير عليها
سعد: عجوز مين ياض انت، انا شباب وهفضل طول عمري شباب صح ياسوسو قلبي
تعالت صوت ضحكات سعاد وقالت : ايوه طبعا ياقلب سوسو
سعد بإبتسامه: ياله ياشاطر العب بعيد
اسد بإبتسامه: اها يعني اطلع منها انا طيب ياله وأدي أخرة اللي يقعد معاكم يطلع مطرود
سعاد: انت حبيبي يااسد
سعد: سعاد عيب كدا مافيش حبيب غيري، وياله قومي صحي غرام خلينا نفطر
تعالت ضحكات سعاد وأسد، وقال وهو بيبص لها بابتسامة: روحي بدل مايورينا جنان زمان
دخلت غرام عليهم وهي بتبتسم وقالت: صباح الخير والسعاده، انا صحيت
سعد: غرام قلب عمها تعالي في حضني
غرام كانت رايحة تحضن عمها بس صوت أسد وقفها وهو بيكلم
اسد رفع حاجبيه: اقفي عندك رايحه فين، حاج سعد عندك سوسو احضنها براحتك تعالي ياست غرام عاوزك في موضوع علي ما ست الكل تعملنا فطار لذيذ من ايديها الحلوين
مسك أسد غرام من إيدها وخرجوا على البلكونة عشان يتكلموا سوا، أما سعد اتحولت ابتسامته لضحك عالي
سعاد: مالك ياسعد براحه انت هموت من كتر الضحك
سعد: اصل اسد شكله حلو وهو غيران بيفكرني بنفسي
سعاد: ربنا يصبرني علي اتنين مجانين هقوم اعمل الفطار احسن
سعد بإبتسامه: طيب ماتيجي اقؤلك علي سر
سعاد بإبتسامه: اجري يامجدي قال سر قال الحقوني ياناس
سعاد قامت بمرح وهي رايحة تحضر الفطار
————
في بيت فاطمة، سلمى صحيت بدري وصلت فرضها ولبست هدومها عشان تروح الشغل، بس قبل ما تخرج وقفها صوت مامتها وهي بتنادي عليها
فاطمه: بدري كدا ليه ياسلمي
سلمي: معلش حبيبتي لازم اروح اشوف الطفل بتاع الحادثه بتاعت امبارح، واطمن عليه
