غرام الأسد الفصل الثالث

في بيت إيهاب المنشاوي

منال سابت غرام وخرجت تكلم جوزها بتحاول تقنعه يغير رأيه أو يديها فرصة تانية على الاقل شهرين تلاته بس إيهاب رفض بشدة وقال لها إن صبره نفد ومش ناوي يتكلم في الموضوع ده تاني

عدت دقايق ودق جرس الباب

ايهاب: خلاص يامنال ده اكيد العريس قومي روحي عند غرام عقليها واطمني عليها وشويه وتعالو ماتغيبوش جوه في الاوضه لحد مااستقبل الناس ياله ادخلي

منال: حاضر ربنا يستر

راح ايهاب وفتح الباب واستقبل الناس بسعاده

ايهاب: اهلا اهلا ياابني اتفضل

حسام: اذيك ياعمي

ايهاب: الحمد لله اتفضل ادخل ياحسام ادخل ياحسين انت عاوز عزومه ولا ايه اتفضلي ياست الكل

حسين: لا ياعم لا عزومه ولا حاجه

دخل الجميع وقعدوا إيهاب كان بيتكلم معاهم ويرحب بيهم وبيتعرف على حسام

بعد شوية جت منال وسلمت عليهم بابتسامة هادية

منال: اهلا وسهلا منورين

حسام: دا نورك ياطنط ازي صحتك

منال: الحمد لله

منال: منورانا والله

نجلاء: دا نورك ياحبيبتي عامله ايه

منال: بخير الحمد لله

نجلاء: اومال فين غرام عاوزين نسلم عليها

منال: جايه حالا عن اذنكم انده عليها

نجلاء: اتفضلي حبيبتي

———————

“حسام حسين رشاد: شاب مغرور جدا دائما يعتمد علي والده يعمل محاسب في شركه تصدير بواسطه معارف والده يمتلك من العمر ٣١عام

————-

حسين رشاد: صديق ايهاب ووالد حسام يثق في ابنه كثيراً لدرجه انه لا يصدق عنه اي شيء بسهوله

————–

نجلاء: والدة حسام إمراءة طيبه كثيراً كل ما يهمها هي سعادة أبنها الوحيد تحبه كثيراً وتتمني ان يكف عن غروره وتكبره

___________

قامت منال ودخلت أوضة غرام عشان تبلغها بوصول العريس وأهله

بصتلها غرام بعينين حزينة وملامحها الباهتة والدموع سايلة على خدودها واللي حتى مش قادرة تخبي وجعها

منال: قومي ياله ياغرام امسحي دموعك دي الناس هتقول علينا ايه قومي ياله انا هروح اضايفهم وانتي تعالي ورايا علطول ماتغبيش ياغرام عشان خاطري عدي الليله عشان باباكي حالف عليا

غرام: حاضر ياماما هحاول يارب تكونو مرتاحين كدا

وقفت منال تبص لغرام بحزن على حالها وبعد لحظة سابت الأوضة وراحت تضايف أهل العريس

أما غرام قامت بهدوء وبدأت تمسح دموعها وتعدل هدومها وحجابها قدام المراية وبعد ما خدت نفس عميق خرجت وهيا بتحاول تهدأ وتظبط نفسها