غرام الأسد الفصل الثالث

غرام: السلام عليكم

نجلاء: اهلا بعروستنا عامله ايه

غرام: الحمد لله اذيك ياطنط اذيك ياعمي

حسين: الحمد لله يابنتي ماشاء الله ايه القمر ده كنت مخبي القمر ده فين ياايهاب

إيهاب: هو القمر بيستخبي برضه ياسحس

راحت غرام وقعدت جنب مامتها بتحاول تخبي حزنها وملامحها الهادية رغم الدموع اللي كانت لسه باينة في عينيها

حسين: بص ياايهاب ياخويا احنا جاين انهاردة عشان نطلب ايد غرام لحسام ابني انت مش تايه عننا ولا عن حسام في أدبه وأخلاقه ويشرفني أننا نكون نسايب

غرام حست بانقباض في قلبها ووجع شديد لكن فضلت متماسكة على قد ما تقدر عشان ما حدش من والديها يحس بيها مخبية ألمها ورا ابتسامة باهتة

ايهاب: الشرف ليا طبعا ياحسين دي بنتك انت

حسين: طيب ممكن نسيبهم شويه يتكلمو سوا علي مانتفق علي شوية حاجات وعلي معاد الخطوبه

ايهاب: أكيد طبعا تعالو اتفضلو علي رأيك نسيبهم شويه وقف إيهاب وبص لغرام بإشارة فهمتها علطول وكأنه بيطلب منها تكون لطيفة في كلامها

هزت راسها بخفة وبعدها انسحب بهدوء سابها تواجه اللحظة اللي قلبها رافضها

حسام: اذيك ياغرام

كانت غرام مش قادرة تتكلم وطلع صوتها بصعوبة وهي بتقول: الحمدلله

حسام: عامله ايه في شغلك

غرام: الحمد لله

حسام: طيب تحبي تسأليني اي سؤال

غرام: لا

حسام: ليه طيب

غرام: لان ماعنديش أسئلة هيا ليها معني تاني

حسام: انا مبسوط جدا انك هتكوني من نصيبي انا ماشوفتش في أدبك وأحترامك

غرام: بس انا لسه ماقولتش رأي

حسام: يعني ايه

غرام: يعني انا مش نصيب حد يعني لسه هصلي استخارة وأرد علي بابا فهمت يعني ايه ولا لسه عاوز تفهم

حسام: حقك طبعا وانا كمان هصلي تاني لاني صليت كتير قبل ماتقدم ومرتاح جدا وقلت انك اول ماتشوفيني هتحبيني وتوافقي وهتكوني مبسوطه

غرام: أحبك دا ايه الغرور ده انا اول مرة أشوفك وبعدين لسه ماصليتش وياريت بلاش الثقة الزايده دي عن إذنك

وقفت غرام بسرعة وسابت المكان من غير ما تبص وراها دخلت أوضتها وقفلت الباب وانهارت في البكاء وهي بتقول

ليه كل ده بيحصلي أنا ما استاهلش الوجع ده كله

هو انا مديقاكم في ايه ليه تعملو فيا كدا ليه دا انا عمري ما شفت راجل في عيني غير أسد ورجولته وأدبه وأحترامه قدامي اسد حبيبي وبس مفيش غيره هيدخل قلبي

أما حسام فاتصدم من طريقة غرام الجافة في كلامها