غرام الأسد الفصل العشرين

بعد مرور شوية وقت

في منطقة هادية كده وفي مستوى متوسط، كان في بيت بسيط وحاله على قده

جوه البيت كانت غرام قاعدة في أوضة صغيرة في بيت فاطمة شاردة وسارحة بعيد.

بعد شوية حد خبط على الباب ودخلت سلمى علشان تديها الدوا

سلمي: ممكن ادخل

غرام: اتفضلي حبيبتي

سلمي: حبيبتي عامله اي انهارده

غرام: الحمد لله

سلمي: بقؤلك ايه رأيك اختارلك اسم انا من امبارح بفكر نسميكي اي فكرت ولقيت اسم حلو اووي

غرام: شكرا حبيبتي

سلمي: حبيبتي انتي اختي الي ربنا مارزقنيش بيها مش عاوزه تعرفي الاسم ولا ايه

غرام: لا طبعا حابه اعرف

سلمي: ملاك لان انتي شبه الملايكه

ملاك: الله حلو اوى ربنا يخليكي ليا

سلمي: حبيبتي انتي ياملاك ياله بقي عشان تاخدي الدوا

ملاك: هو انا هفضل اخد دوا كتير كدا

سلمي: معلش حبيبتي عشان تخفي

ملاك: طيب انا هفتكر امتي انا بقالي فتره كبيره هنا من ساعت ماجبتوني من المستشفي

سلمي: حبيبتي بلاش استعجال ولازم نفسيتك تكون حلوه الدكتور كان خايف من كدا برضه وماكنش عاوزك تخرجي، واصلا كتبلك خروج معانا بالعافيه وسابك لما قؤلتله اني هاخد بالي منك، لازم بقي تاخدي الدوا

ملاك: يعني في امل اني افتكر

سلمي: اكيد حبيبتي بس المهم ماتحوليش تجهدي نفسك في التفكير وسيبي كل حاجه علي ربنا اتوكلي عليه

ملاك: ونعمه بالله

سلمى إدّت الدوا لملاك واستأذنت تمشي علشان ما تتأخرش على شغلها

________________

وعلى ناحية تانية كان في مكالمة تليفون بين هاجر وعاصم

هاجر: عاصم طمني لقيت غرام

عاصم: لأ ياجوجو مالهاش اي اثر

هاجر: دورو كويس ونبي ياعاصم انا هموت

عاصم: بعد الشر عليكي حبيبتي والله احنا مش سايبين مكان الا مابندور فيه كويس

هاجر: يارب تلاقوها وترجع لينا

عاصم: يارب، انتي عامله ايه دلوقتي

هاجر: الحمد لله ياحبيبي

عاصم: بتاكلي كويس وتاخدي دواكي في معاده

هاجر: ايوه الحمد لله

عاصم: ماشي حبيبتي خدي بالك من نفسك وانا هروح لاسد

هاجر: حاضر حبيبي سلام

قفلت هاجر المكالمة مع عاصم وفضلت قاعدة حزينة وبتعيط على فراق صحبتها

————–

في بيت إيهاب، كانت منال قاعدة بتفكر تكلم أسد بس كانت مترددة جدًا من رد فعله،

وبعد تفكير طويل حسمت قرارها ومسكت التليفون وكلمته

منال: الو اذيك يااسد عامل ايه

اسد بحزن: اللي اقدر اقؤله الحمد لله

منال: عرفت حاجه عن غرام ياأسد