غرام الاسد الفصل الثلاثون
بقلم شروق محمد
هاجر وسلمى راحوا ليها بسرعه وحاولوا يهدوها
سلمي: غرام حبيبتي اهدي، ماينفعش كدا
غرام: اسد ياسلمي هيروح مني اسد
هاجر: غرام عشان خاطري فوقي واهدي كده زمانه فاق اهدي خلينا نروح نشوفه
غرام: بجد فاق بجد
هاجر: انا بقؤلك فوقي عشان نروح نشوفه حبيبتي
سلمي: هاجر عندها حق فوقي كدا عشان تقدري تقفي
في أوضة الدكتور
حاتم: يعني افهم من كدا ان
الطبيب: بالظبط كدا زي مابغلت حضرتكم
عاصم: طيب هيفوق امتي يادكتور
الطبيب: مسألة وقت وهيفوق احنا عملنا اللازم
حاتم: شكرا يادكتور
حاتم شكر الدكتور وخرج من الأوضة هو وعاصم
عاصم: شوفت، انا عمري مااقول كلام غلط
حاتم: هنتصرف ازاي دلوقتي
عاصم: هقؤلك بس نطمن علي اسد الاول وبعد كدا نتصرف ونقضي علي راس الافعي
فضل عاصم وحاتم يتكلموا في الموضوع وازاي هيجيبوا حق صاحبهم
——–
في بيت نادية مامت هاجر
ناديه: هاجر اتاخرت صح
عماد: الغايب حجته معاه
ناديه: ياراجل انت ماحرمتش المره اللي فاتت قلت كدا وكانت استغفر الله العظيم
عماد: هتقلقيني ليه بس
ناديه: هات التلفون اكلمها واطمن عليها
عماد: خدي ياام هاجر عارف قلقك ده
عماد أدى التليفون لناديه وأتصلت بهاجر كذا مرة لكن مافيش رد وفي الآخر ردت عليها
ناديه: فينك ياهاجر مش انتي قولتي مشوار وجايه علطول ايه اخرك
عماد: براحه علي البت اديها فرصه ترد
ناديه: اخلصي يابت انتي فين
هاجر: حبيبتي حقك عليا نسيت ارن اطمنك عليا
ناديه: طيب اتاخرتي كدا ليه
هاجر: اسد تعب جامد وراح المستشفي وغرام تعبت وبرضه في المستشفي، وكمان عاصم معايا
ناديه: لا حول ولاقوة الابالله طيب طمنيني
هاجر بحزن: ادعيلهم ياماما
ناديه: حاضر حبيبتي المهم خدي بالك من نفسك وطمنيني علطول
هاجر: حاضر
ناديه: تحبي اجي انا وابوكي
هاجر: لا ياحبيبتي خليكي ولو كدا هقؤلك
هاجر أنهت المكالمة وراحت لغرام، أما ناديه ففضلت تدعي لأسد وغرام
عماد: في اي مالك شكلك حزين كده ليه
ناديه: هاجر بتقول اسد تعب جدا هو وغرام
عماد: ربنا يسترها معاهم مش عارف ايه اللي صابهم
فضلت ناديه تدعي لاسد وغرام
———-
في بيت حسين والد حسام
حسام كان قاعد في أوضته بيخطط لحاجة، وبعد شوية دق الباب وكان والده
حسام: ادخل
حسين: قاعد لوحدك ليه
حسام: عادي يعني
حسين: انا ملاحظ انك بقيت بتقعد كتير لوحدك او بره البيت طول الوقت او ماسك التلفون مش بتقعد معانا خالص زي الاول
