غرام الاسد الفصل الثلاثون

حاتم: مش عارف كل اللي اعرفه انه كان واقع في الأرض وفاقد الوعي وجه هنا علي المستشفي

سلمي: طيب الدكتور عمله تحاليل

حاتم: ايوه ولسه مابنتش

سلمي: التحاليل هتبين هو اغمي عليه ليه هو كان بيشتكي من حاجه قبل كدا

حاتم: لا اسد عمره مااشتكي من حاجه

سلمي بتساءل: اسد مين

حاتم: صاحبي اللي تعبان ياسلمي انتي مالك

سلمي: لحظه بس هيا خطيبته اسمها غرام

حاتم بحيره: ايوه عرفتي منين

سلمي: غرام كانت عندنا الفتره اللي فاتت

حاتم: لما كانت تايهه

سلمي: ايوه هاتلي العنوان بسرعه

حاتم ادى العنوان لسلمى فقامت بسرعة وغيرت هدومها وراحت أوضة مامتها عشان تقولها

سلمي: ماما انا خارجه ومش هغيب

فاطمه: في ايه ياسلمي مالك

سلمي: ملك تعبانه في المستشفى ولازم اروحلها بسرعه

فاطمه: ملك مين يابنتي

سلمي: اقصد غرام ياماما هيا واسد هروح وهكلمك وانا هناك

فاطمه: استني وانا جايه معاكي

سلمي: لا حبيبتي خليكي وانا هطمنك

سلمى نزلت وركبت تاكسي وراحت المستشفى، وبعد شوية وصلت وطلعت تسأل عليهم

———

في أحد الكافيهات كانت ندي وحسام قاعدين مع بعض

حسام: دا الباشا مبسوط منك اووي

ندي: ياابني دي حاجه بسيطه

حسام: ماشي ياعم يالي واثق من نفسك

ندي: الخطوه الجايه علي مين

حسام: عليا انا والراجل بتاعي

ندي: انت واثق فيه كويس

حسام: جدا بس هيا تمشي زي ما انا مخطط لها

ندي: اللي هو ايه بقي

حسام: بكره تعرفي المهم مش هتعزميني علي حاجه بمناسبة المبلغ اللي هتقبضيه

ندي: ياعم بطل بقي قر عليا

فضل حسام وندي يتكلموا مع بعض عن اللي حصل

———

في المستشفى وتحديدًا عند أسد وصلت سلمى وسألت عن أوضة أسد وطلعت ليهم لقت حاتم وصاحبه عاصم واقفين قدام الأوضة

سلمي: السلام عليكم

حاتم: ليه تعبتي نفسك وجيتي

سلمي: لا تعب ولا حاجه المهم فين غرام

حاتم: في الاوضه دي وهاجر قاعده معاها تقدري تتدخلي ليهم

سلمى ابتسمت لحاتم وراحت تدخل الأوضة لغرام، أما عاصم وحاتم راحوا يشوفوا الدكتور.

ونرجع تاني عند غرام

سلمي: السلام عليكم

هاجر: وعليكم السلام

سلمي: انا سلمي صاحبة غرام والفتره الي فاتت كانت غرام قاعده عندنا

هاجر: ايوه ايوه اتفضلي حبيبتي، وانا هاجر

سلمي: عاشت الاسامي حبيبتي، غرام مالها بالظبط ايه اللي حصل

هاجر: تعبت واغمي عليها

سلمي: هتفوق دلوقتي وتبقي كويسه

وهما بيتكلموا غرام بدأت تصحى وابتدت تصرخ وقالت: اسد اصحي يااسد ماتسبنيش