غرام الاسد الفصل التاسع والعشرون
بقلم شروق محمد
سعد: اخويا ماله حصله اي
اسد: خير يادكتور ممكن تطمنا
الطبيب: القلب كان هيقف والحمد لله قدرنا ننعشه من تاني
اسد:طيب عمي كويس
الطبيب: للاسف المريض مش هيقدر يمشي تاني لان الحادثه كانت جامده
منال ماقدرتش تتحمل كلام الدكتور وكانت هتقع بس غرام وسعاد لحقوها وقعدوها على أقرب كرسي الدكتور استأذن ومشي ومنال فضلت تعيط على اللي حصل لإيهاب، وسعاد وغرام قاعدين جمبها يحاولوا يهدوها أما أسد فكان واقف جمب سعد يواسيه ويهديه بكلامه
———–
في صباح يوم جديد الشمس نورت الأوضة وصحي حاتم من نومه دخل الحمام ياخد شاور وبعدها لبس بدلته اللي زودته وسامة وأناقة وجاذبية ظبط شعره ونزل تحت سأل الدادة عن مامته فقالت له إنها قاعدة في الجنينة فخرج لها
حاتم: ياصباح الجمال
مرفت: صباح الورد علي عيونك
حاتم: الجميل قاعد هنا لوحده ليه
مرفت: وهو انا لقيتك عشان اقعد معاك
حاتم: بس كدا انا معاكي حبيبتي علطول
مرفت: الله علي كلامك الجميل المهم عملت ايه مع القمر
حاتم: مستني منها رد اهو لما اشوف
مرفت: ان شاء الله خير ياحبيبي
حاتم: ان شاء الله، هروح انا بقي علي الشركه مش عاوزه حاجه حبيبتي
مرفت: تسلملي يانور عيني
باس حاتم إيدها وخرج ركب عربيته واتجه على الشركة
————-
في المستشفى وبالذات عند إيهاب راح الدكتور له يطمن عليه لقاه بدأ يرجع اوعيه فاطمن عليه وخرج أسد أول ما شافه راح ليه هو وسعد.
اسد: طمني يادكتور
الطبيب: الحاله ابتدت تستقر وابتدا الوضع يتحسن عن الاول
سعد: بجد يادكتور يعني بقي كويس
الطبيب: الحمدلله ادعيله
سابهم الدكتور ورجع يكمل شغله، أما أسد وسعد فراحوا لغرام ومنال عشان يقولولهم أخبار إيهاب
اسد: الحمد لله الدكتور طمنا وقال ان عمي بدأ يفوق واول مايتحسن شويه هينقله اوضه عاديه
منال: بجد يااسد ولا انت بتقول كدا وخلاص
سعد: لا بجد يامنال الدكتور طمنا
اسد: ياله ياجماعه انتو روحو عشان ترتاحو وانا هفضل هنا
سعد: انا مش هتحرك من هنا مش هسيب اخويا
اسد: يابابا كدا غلط لازم ترتاح وكمان عشان غرام وماما وطنط منال
منال بحزن: مش همشي من هنا غير لما اطمن علي ايهاب ويخرج معايا
سعد: روح انت ياحبيبي شوف شغلك واحنا هنا ولو عوزناك هنكلمك
اسد: لا مش هينفع انا هفضل هنا
سعاد: روح ياحبيبي واسمع كلام باباك
اسد: غرام مش حابه تروحي ترتاحي
