غرام الاسد الفصل التاسع والعشرون

في بيت سعد قفل أسد المكالمة مع منال وجري على أوضته يغير هدومه عشان يروح لها المستشفى دخلوا كلهم وراه الأوضة علشان يعرفوا إيه اللي حصل

سعد: في اي يااسد بتلبس ورايح فين ياابني دلوقتي

اسد: طنط منال بتقول إلحقني انا في المستشفي

سعاد: استر يارب مستشفي ليه

اسد: مش عارف ده اللي قالته وانا لازم اروحلها

سعد: طيب استنا احنا كلنا هنروح معاك

دخل سعد ومراته الأوضة عشان يلبسوا أما غرام فحست بوجع في قلبها مش فاهمة سببه وراحت هي كمان تغير هدومها وبعدها أخدهم أسد وراحوا كلهم على المستشفى.

———–

في بيت فاطمه

فاطمه كانت قاعده مع سلمي واحمد

فاطمه: عملت ايه يااحمد

احمد: في ايه ياماما

فاطمه: في مقابلة الشغل اللي انت كنت بتقول عليها

اتلغبط احمد في الكلام ومابقاش عارف يقول ايه

سلمي: شغل ايه يااحمد

احمد: شغل عادي زي اي شغل

فاطمه: وهتشتغل اي بقي

احمد: محاسب هكون اي

فاطمه: هو كل اللي يكلمك تقول هيكون ايه واي شغل

احمد: احسن حاجه هقوم انام عشان مش فاضي

سلمي: ماتقعد معايا يابني شويه احنا مش بنقعد سوا خالص

احمد: معلش ياسوسو هقوم لان تعبان شويه

قام أحمد ودخل أوضته وقعد على السرير يفكر في الكلام اللي اتقال ليه أما فاطمة ففضلت قاعدة حزينة

سلمي: مالك ياحبيبتي في ايه حساكي زعلانه

فاطمه: اخوكي حساه بيعمل حاجه غلط

سلمي: غلط ازاي ياماما ممكن توضحي

فاطمه: مش عارفه بس قلبي حاسس بكدا وانهارده دخلت عليه وهو بيتكلم في التليفون لقيته بيتكلم بصوت واطي وكأنه بيتفق علي حاجه غلط

سلمي: حاجه ايه بس ياحبيبتي، وبعدين احمد مش بيعمل حاجه غلط مش عارفه انتي فكرتي كدا ازاي

فاطمه: مش عارفه بقي

فضلت سلمى تحاول تقنع مامتها إن أحمد بيعمل الصح بس فاطمة ماقدرتش تصدق ده وكانت ماشية ورا إحساسها ومع ذلك حاولت تبين لسلمى عكس اللي جواها

—————–

وصل أسد المستشفى ودخلوا كلهم لقوا منال مستنياهم فطلعوا سوا على أوضة العناية المركزة

غرام حضنت منال وقالت: في اي ياماما

سعاد: ايه اللي حصل

منال بدأت تتكلم وقالت: لما اسد وصلني طلعت مالقيتش ايهاب قلت اكيد في المعرض وفضلت مستنياه ماجاش رنيت في المعرض قالو ماجاش انهارده وبعد شويه المستشفي كلمتني وبتبلغني ان ايهاب عمل حادثه امبارح والحاله خطر

وهما بيتكلموا لقوا الدكتور جاي بسرعة ودخل أوضة العناية وبعد شوية خرج فجروا كلهم عليه