غرام الاسد الفصل التاسع والعشرون

اسد: كويس هروح انا علي مكتبي والسكرتيره لما تيجي ابقي فهمها انت الشغل

عاصم: مالك يااسد في اي

اسد بحزن: عمي ايهاب عمل حادثه وموجود دلوقتي في المستشفي

عاصم: طيب وجيت ليه يااسد كنت خليك هناك

اسد: بابا والجماعه كلهم هناك وعمي في العنايه

عاصم: طيب الدكتور قال ايه

اسد: قال انه مش هيقدر يمشي تاني لان الحادثه كانت شديده وانا جاي دلوقتي قال بدأ الحاله تستقر

عاصم: لا حول ولاقوة الابالله

اسد: الحمد لله هروح انا علي مكتبي ولو عوزت حاجه كلمني

عاصم بحزن: حاضر يااسد

طلع أسد من مكتب عاصم وراح مكتبه وأثناء خروجه حد نداله فوقف وبص على مصدر الصوت

اسد: نعم، خير

ندي بإبتسامه: انا ندي اللي شغاله سكرتيره في شركة حاتم بيه

اسد: ايوه ايوه افتكرت روحي مكتب عاصم وهو هيفهمك

ندي: انا مبسوطه جدا اني هشتغل مع حضرتك

اسد: دي فتره مؤقته بس وهترجعي لحاتم

سابها أسد ورجع على مكتبه دخل وقعد حط إيده على دماغه وحس بالحزن من اللي بيحصل، أما ندي فوقفت بغضب وحقد قالت: الصبر حلو هتقع يعني هتقع اتقل برحتك، بعد كده ندي خرجت وراحت مكتب عاصم استأذنت تدخل فأذن لها عاصم وابتدى يشرح لها الشغل المطلوب منها

———

عند هاجر وتحديدًا في المدرسة اللي بتشتغل فيها كانت قاعدة في مكتبها مسكت التليفون واتصلت بغرام

هاجر: صباح الياسمين

غرام: صباح الخير ياجوجو

هاجر: هو الحلو مش هيحن علينا ويجي المدرسه بقي

غرام: هو انا فاكره حاجه ياجوجو وبعدين احنا في مشكله

هاجر: ياساتر يارب في ايه يامورا

غرام: بابا ايهاب عمل حادثه وهو حاليا في العنايه

هاجر: لا اله إلا الله طيب انتي فين

غرام: كلنا هنا في المستشفي

هاجر: ان شاء الله هيقوم بالسلامه ماتقلقيش حبيبتي

غرام: يارب انتي عامله ايه

هاجر: الحمد لله بس انتي وحشاني اوي ومش عارفه ايه اللي بيحصلكم ده كل ماتطلعو من حاجه تقعو في حاجه تانيه خالص

غرام: الحمد لله قدر الله وماشاء فعل ده ابتلاء من ربنا

هاجر: ونعمه بالله حبيبتي انا هخلص شغل واجيلك

غرام: ماتتعبيش نفسك ياجوجو

هاجر: لا تعب ولا حاجه المهم خدي بالك من نفسك

هاجر أنهت المكالمة وكملت شغلها أما غرام راحت وقعدت جنب مامتها

———-

حسام أنهى شغله ونزل ركب عربيته وراح عند هشام في الفيلا لأن هشام كان اتصل عليه وقاله ييجي بعد شوية وصل حسام للفيلا ولقي هشام قاعد في الجنينة ودخان سجايره ماليه المكان