غرام الاسد الفصل التاسع والعشرون

غرام: لا هفضل جمب ماما روح انت شغلك زي ماعمو قال واحنا كلنا هنا مع بعض

سابهم أسد ورجع البيت خد شاور وغير هدومه وبعدها خرج راح على الشركة

———-

في شركة حاتم وتحديدًا في مكتبه كان حاتم بيتكلم مع عاصم على التليفون

حاتم: بجد يعني اسد بدأ يجي الشركه

عاصم: ايوه

حاتم: الحمد لله ربنا يصلح حاله ويهتم شويه بقي

عاصم: بس محتاج منك خدمه

حاتم: اؤمر ياصاحبي في ايه

عاصم: احنا هنزل إعلان أننا عاوزين سكرتيره بس مؤقتا ابعتلنا سكرتيره من عندك

حاتم: حاضر ياعاصم هبعتهالك انهارده

عاصم: تسلم ياصاحبي ربنا يخليكي لينا

حاتم: المهم ركزو في الشغل

عاصم: تمام ياغالي

قفل عاصم التليفون وكمل شغله أما حاتم اتصل بندي وقال لها إنه عايزها في المكتب بعد شوية استأذنت ندي ودخلت

ندي: نعم ياحاتم بيه

حاتم: هبعتك دلوقتي شركه اسد وعاصم لفتره مؤقته لانهم محتاجين سكرتيره

ندي: حاضر يافندم

حاتم اداها العنوان: اتفضل العنوان مكتوب هنا تروحي دلوقتي علطول ومش عاوز اي شكوي من عاصم ولا اسد

ندي بإبتسامه: حاضر يافندم ان شاء الله هكون عند حسن ظنك

حاتم: ياله اتفضلي

ندي خرجت من المكتب وهي فرحانة أخدت أغراضها ونزلت عشان تروح شركة أسد

———–

في الشركة وتحديدًا في مكتب حسام رن تليفونه وكان المتصل ندي

حسام: انتي مجنونه مش قلت ماترنيش عليا طول مااحنا في الشركه

ندي بابتسامه صفرا: ومين قالك اني في الشركه

حسام: اومال فين وايه الصوت اللي جمبك ده

ندي: في الطريق ورايحه شركة اسد

حسام: انتي مجنونه وايه اللي موديكي هناك

ندي: أهدا وأنا هفهمك

حسام: اخلصي قولي بسرعه

ندي: حاتم طلب مني اروح شركة عاصم واسد لانهم محتاجين سكرتيره

حسام: حلو اوي اووي وبكدا حاجات كتير بقت سهله بالنسبالنا

ندي: جدا جدا

حسام: فتحي عينك كويس واي كبيره وصغيره تعرفيني بيها وخدي بالك كويس

ندي: بس كدا من عيوني

ندي قفلت التليفون وهي فرحانة بالخطوة الجاية لأنها هتبقى قريبة من أسد، أما حسام اتصل بهشام عشان يقوله كلام ندي

———–

وصل أسد الشركة وطلع دخل مكتب عاصم لقاه مشغول لدرجة إنه ما حسش بوجود أسد

اسد: يااه للدرجادي مشغول

عاصم: معلش ياحبيبي اصل الورق ده مهم، تعالا

اسد: ربنا معاك ياصاحبي عملت اي في موضوع السكرتيره

عاصم: كلمت حاتم وقال هيبعت لينا واحدة دلوقتي