غرام الاسد الفصل السادس والثلاثون

في مكان ما... كان حسام قاعد وبيفكر: يا ترى هشام راح فين؟ والبنات مستخبيين فين؟ وبعد دقايق تليفونه رن وكان المتصل أبوه حسام: ايوه يابابا عامل ايه حسين: مش كويس خالص ياابني حسام: ليه بس يابابا في حاجه حصلت حسين: واللي انت فيه ده كويس حسام: يابابا فكرت حصل حاجه حسين: ارجع ياحسام هو انت هتفضل هربان كدا حسام: مؤقتا بس يابابا عشان اسد والحكومه حسين: تعالا وانا هقوملك اكبر المحامين وأثناء كلامهم الباب اتفتح بعنف لدرجة إنه اتكسر واقتحمت القوات المكان وبدأت تحاصر حسام من كل ناحية حسام اتصدم من اللي حصل وفضل قاعد مكانه من الصدمة قال لباباه: كنت مستعجل علي سجني اهو هشرف فيه، ابعتلي المحامي بقى، الظابط أخده وركبوا العربية ومشوا ------------- عند أسد في نص البحر كان معاه حاتم وعاصم وحرس السواحل قدروا ينقذوا البنات ولما قربوا من المركب انفجر فاجأة أما أسد أول ما شاف غرام جرى عليها وحضنها بقوة وهاجر وسلمى كمان جريوا ناحية حاتم وعاصم غرام ببكاء: كان نفسي تاخدلي حقي منه اسد: كان نفسي يقع تحت ايدي وانا ادمره حقك عليا انا اللي مش عارف احميكي غرام: ماتبعدش عني يااسد خليك جمبي كفايه عليا كده اسد: ياعيون اسد عمري ماهبعد ولا هبعدك عني الحمد لله انك بخير ده اللي يهمني في الدنيا كلها غرام حضنت أسد بكل القوة اللي جواها كأنها عايزة تستخبى بين ضلوعه وفي نفس المكان لكن على الجانب التاني عاصم: قلب حبيبك كنت هموت من غيرك هاجر: بعد الشر عليك ياقلب جوجو عاصم: الكلب ده قربلك هاجر: لأ دا انا ضربت عليه نار بس كان نفسي اموته، وغرام قالت سيبيه لاسد ياخدلي حقي منه بس ربنا بيحبه ماخلهوش يقع في ايد اسد واهو مات محروق عاصم: كان نفسي يقع فعلا تحت ايدينا هاجر: خفت عليا عاصم: ياقلب عاصم انا كنت حاسس اني بموت هاجر: بعد الشر عليك ياقلبي انا عاصم ضم هاجر لحضنه وكأنه بيطمن قلبه إنها بين إيديه وبخير بجانب اخر عند حاتم حاتم: سلمي الكلب ده قربلك سلمي بحزن: لأ بس عاوزه اعرف هو ليه خطفنا حاتم: هقؤلك كل حاجه بس ترتاحي شويه سلمي: راحتي اني بقيت معاكم وفي وسطكم حاتم: الحمد لله انك قدام عيني سلمي: لو كان جرالي حاجه كنت زعلت حاتم قرب منها واخدها في حضنه وقال: انتي الحاجه الحلوه اللي اتمنيتها حرس السواحل بلغوا أسد إن المركب اتحرقت بالكامل ومفيش أي أثر لحد أو لأي حاجة وبعدها بدأوا ينسحبوا من المكان أسد خد الشباب وابتدوا يرجعوا عشان يوصلوا البنات للبيت ويطمنوا الكل عليهم ------------ في بيت والد حسام حسين كان بيلبس بسرعة كبيرة وفي وسط ما هو كده دخلت نجلاء مراته الأوضة نجلاء: مالك ياحسين بتلبس بسرعه كدا ليه رايح فين حسين: رايح القسم لابنك نجلاء: يالهوي لابني ليه، ايه اللي حصل حسين: وانا بكلمه الشرطه دخلت وقبضت عليه نجلاء: كل ده منك انت السبب حسين: مش وقته كلامك ده، خليني اروح لابنك بسرعه نجلاء: انا جايه معاك، اطلب المحامي بسرعه نجلاء دخلت الأوضة ولبست بسرعة عشان تروح مع جوزها وفي نفس الوقت كانت بتعيط جامد على حياة ابنها اللي ضاعت بسبب تهوره ودخوله الطريق الغلط حسين: ياله انا جهزت نجلاء: وانا كمان خلصت كلمت المحامي حسين: كلمته وهيقابلنا علي هناك حسين أخد مراته وراحوا على القسم عشان يشوفوا ابنهم ويطمنوا عليه ويبقوا جمبه ----------- في عربية اسد وصلوا قدام البيت لكن فضل قاعد في العربية بيتكلم مع غرام اسد: حبيبتي عشان خاطري انسي اللي الكلب ده عمله وماتجبيش سيره لحد والله كان نفسي انتقم ليكي منه بس ربنا رحمه من ايدي غرام: تعبت اووي يااسد، تعبت اسد: وحياة اسد ماهخلي الحزن يعرفلك طريق طول ما انا جمبك غرام: يعني ممكن تسبني اسد: اسيبك دي في حاله واحده غرام بدأت تعيط ودموعها نزلت بغزارة وصوت عياطها ابتدى يعلى اسد: ليه الدموع دي ياقلب اسد أسد حط إيديه على وشها ومسح دموعها بهدوء غرام: انت بتقول هتسبني اسد: عمري مااسيبك الموت بس اللي هيخليني اسيبك غرام: بعد الشر عليك ياقلب غرام أسد مسك إيدها وقربها منه وباسها وأخدها في حضنه وهو بيطبطب عليها، غرام اتكسفت ووشها أحمر جامد اسد بإبتسامه: بس بس هو القمر مكسوف مني غرام: ياله نطلع عشان نطمنهم اسد: اتهرب ياقمر اتهرب، كلها يوم او اتنين بكتيره وهتكوني في حضني ومش هسيبك ابدا غرام: ومين قالك اني عاوزه اسيبك غرام قالت كلمتها ونزلت من العربية جري أسد ضحك على تصرفتها وحركتها نزل هو كمان وراها ووقفوا سوا قدام باب البيت غرام: ياله افتح اسد: ماانا فاتح قلبي من زمان غرام: اسد بقي ياله أسد قرب من غرام وطبع قبلة على خدودها غرام: ايه دا يااسد اسد بإبتسامه: مش بتقولي ياله غرام: اسد انت بقي مالك في ايه اسد بسعاده: ماعتش قادر اشوف القمر واسيبه في حاله غرام بخجل: اسد اسد: قلبه غرام: ياله بقي هنفضل واقفين كدا اسد: عندك حق ماينفعش تعالي نروح فيلتنا تعالت صوت ضحكات غرام وقالت: اسد بقي الله اسد: اسكتي اسكتي ضحكتك دي هتودينا في داهيه أسد مسك إيد غرام وفتح الباب ودخلوا جوه لقاهم كلهم قاعدين ولما دخلت غرام جريت ناحية الكل --------------- في بيت هاجر كلهم قاعدين مع بعض فرحانين برجوع هاجر ليهم عماد: ربنا يخليك ويسعدك ياعاصم ياابني مش عارف اشكرك ازاي عاصم: تشكرني ليه بس ياعمي هاجر دي بنتي وحبيبتي ومراتي وكل حاجه في دنيتي ناديه: ربنا يخليكم لبعض ويسعدكم عاصم: يارب يارب هقوم انا بقي عشان اروح ارتاح عماد: قوم ياابني الله يعينك ويحفظك من ساعت ما البنات اتخطفت وانتو ماارتحتوش عاصم قام عشان يمشي وهاجر راحت وراه عشان تودعه هاجر: بحبك علي فكره عاصم: الحب ليكي شويه ياقلبي هاجر: ربنا يخليك ليا، بجد انت سندي وحمايتي عاصم: الحمد لله انك بخير هاجر: بخير طول ماانا معاك مش بعيد عنك عاصم: وانا دايما معاكي وجمبك هاجر: ربنا يخليك لقلبي يانبض قلبي عاصم بإبتسامه: انا بقول ادخل ابات معاكم احسن هاجر بإبتسامه: يالهوي دا البيت ينور عاصم: لا عاوز فيلتنا اللي تنور وجنانك يملاها هاجر: متأكده طول ماانا معاك هيتملي جنان عاصم: غمضي عيونك ليكي معايا هديه هديهالك وامشي علطول عاصم قرب من هاجر وطبع قبلة على خدودها وبعدها مشي قبل ما تفتح عيونها هاجر فتحت عيونها بصدمه وحطت إيدها على خدودها بابتسامة ودخلت عشان تقعد مع والديها أما عاصم نزل مشي على بيته وهو في قمة السعادة ------------- قدام بيت سلمي كانت سلمي وحاتم ومعاهم أحمد واقفين بيتكلموا مع بعض حاتم: حمدالله علي سلامتك ياسلمي سلمي: الله يسلمك شكرا ياحاتم حاتم: مافيش شكرا بينا حبيبتي سلمي: عملت اللي اخويا ماعملهوش حاتم: بلاش الكلام ده انتي مراتي سلمي: معلش ياحاتم الموضوع ده نتكلم فيه بعدين لان في حاجات كتير هتتغير حاتم: ليه الكلام ده ياسلمي سلمي: انت تستاهل واحده احسن مني لان انا ماانفعش ليك ياحاتم حاتم: لو قصدك علي احمد هو عرف غلطته ووقف معانا، وحسابه مع اسد مش معايا انا حبيتك ومااقدرش اعيش من غيرك سلمي: وانا هيكون شكلي ايه قدام غرام وهاجر، خلاص ياحاتم موضوعنا انتهي حاتم: استني بس ياسلمي سلمي سابتهم وطلعت جري على البيت دخلت رمت نفسها في حضن مامتها وفضلت تعيط أما حاتم فوقف حزين وابتدى أحمد يتكلم معاه احمد: انا اسف ياحاتم ومستعد لاي عقاب منك او من اسد حاتم بحزن: انا حبيت سلمي ومااقدرش اعيش من غيرها وماصدقت انها رجعت احمد: انا هصلح الغلط صدقني حاتم: اتمني حاتم مشي وهو حزين من قرار سلمى رجع على ڤيلته وفرحانه برجوع سلمى راحت مع قرارها أما أحمد فطلع على بيته وهو زعلان من نفسه على أفعاله اللي خلت أخته تسيب حبيبها الوحيد اللي بيحبها اللي بيتمناها من الدنيا ------------ في صباح يوم جديد الشمس أشرقت بنورها في أوضة غرام صحت وقعدت على سريرها مبسوطة وهي بتفتكر كلام أسد معاها وابتسامة ارتسمت على شفايفها بعدها راحت على الحمام تاخد دش وبعد كام دقيقة خرجت وغيرت هدومها صلت فرضها وطلعت راحت على أوضة المعيشة لقت الكل قاعدين وبصوا لها بسعادة منال: صباح الورد علي عيونك غرام: صباح الجمال يامامتي ايهاب: هو القمر مش هيصبح عليا سعد: حبيبة عمها مافيش صباح الخير سعاد: لا هيا هتصبح عليا انا غرام وقفت وهي سعيدة من كلامهم وفرحانة من قلبها إنهم جمبها ومش عارفه نوح لمين اسد: هو ايه الطمع ده كلكم علي البت ولا ايه تعالي يابنتي صبحي عليا انا الكل ضحك على هزار أسد وحركاته سعاد قامت وأخدت منال عشان يحضروا الفطار أما أسد فأخد غرام ودخلوا على الأوضة اسد: ممكن تغمضي عيونك غرام: ليه بقي اسد: اسمعي الكلام بس غرام غمضت عينيها وأسد راح وجاب سلسلة على شكل قلب رفع شعرها ولبس لها السلسلة وبعدها طبع لها قبلة رقيقة على شعرها، غرام اتكسفت ووشها أحمر فتحت عينيها غرام بخجل: الله حلوه اووي ربنا يخليك ليا اسد: طيب افتحيها كدا غرام: هيا بتنفتح كمان اسد: ايوه طبعا غرام مسكت السلسلة وفتحتها لقت جواها صورة ليهم وهما صغيرين مع بعض غرام: الله حلوه اووي اسد: انتي احلي وعيونك اجمل غرام: بحبك اوووي يااسدي اسد: هو انا مش جوزك غرام بخجل: ايوه وحبيب قلبي اسد: ينفع القمر يصحي من غير مايصبح علي جوزه غرام بإبتسامه: جوزه طيب صباح السعادة ياجوزي اسد: الله جوزي طالعه زي الشهد غرام: انا اهو صبحت، تعالا بقي نطلع اسد: يسلام انتي عاوزه تضحكي عليا غرام: اضحك عليك ليه اسد هقؤلك ليه أسد قرب منها وطبع بوسه على خدودها يعبر فيها عن حبه وشوقه ليها غرام وقفت غمضت عينيها من الكسوف اسد بحب: بعشق وجودك جمبي همست غرام في أذنيه وقالت: وانا بعشقك من وانا صغيره وانت بتخاف عليا وبتحميني وبتغير من اي حد يقرب ليا بعشق هزارك ضحكك كل حاجه منك أسد اتفاجئ وفضل يبص لغرام بدهشة وتعجب غرام بإبتسامه: بتبصلي كدا ليه اسد: انتي بتقولي من وانا صغيره غرام: بيعجبني فيك انك بتاخد بالك من كل كبيره وصغيره ياقلب الغرام اسد: انتي تقصدي ان أسد ما كملش كلامه فرفع غرام وبقى يلفها ووزع قبلاته على وشها كله وقال: يا فرحة قلبك يا أسد وبعد ما فرغ حبه وشوقه ليها خدها وراح لهم وقالهم إن غرام رجعت ليها ذاكرتها الكل فرح بالخبر وابتدوا يتكلموا مع بعض في جو مليان بهجة وسرور والسعادة رجعت ليهم من تاني ----------- في بيت عاصم صحى من النوم وهو مطمن على حبيبته أنها بخير قام اخد دش وصلى فريضته وبعدها اتصل بهاجر هاجر: صباح الشقاوه عاصم بإبتسامه: صباح الجمال علي قلبي هاجر: ماكنتش اعرف انك شقي كدا عاصم: انتي لسه ماشوفتيش الشقاوه هاجر: كمان، يعني في شقاوه اكتر من كدا عاصم: يابنتي دي كانت هديه مني ليكي ماكنتش اديتهالك يوم كتب الكتاب هاجر: اها بقي كدا عاصم: ايه بس مالك ياعيون عصوم هاجر: اهو عصوم ده مجنني بحبه عاصم: ربنا يباركلي فيكي هاجر: وفيك ياعصومي عاصم: فطرتي ياقمري هاجر: لا دي ماما مدلعاني اووي، جيبالي الفطار علي السرير وعصاير ومشهيصاني عاصم: عقبال ماتشهيصيني انا كمان هاجر: عيوني ليك المهم هتعمل ايه في الشركه عاصم: الحمد لله اسد كان مأمن عليها، وشركة التأمين هتدفع الخساير اللي حصلت، وهنبتدي نعمل إعادة تجديد للشركه من أول وجديد هاجر: ربنا يخليكم لبعض حبيبي عاصم: يارب هروح اكلم حاتم عشان نظبط الشركه لاسد ونعملها ليه مفاجئه هاجر: ماشي ياقلبي هاجر قفلت المكالمة وطلعت تقعد مع مامتها وباباها أما عاصم اتصل بحاتم يطمن عليه وعلى مامته ----------- في ڤيلا حاتم كان نايم حزين على قرار سلمى إنها هتبعد عنه ومش عارف يعمل معاها ايه بعد شوية تليفونه رن وكان من عاصم عاصم: صباح الخير ياعريس حاتم بحزن: عريس مين بس ياعاصم عاصم بقلق: مالك ياحاتم في ايه، ومال صوتك حاتم بحزن: مافيش ياعاصم بترن الصبح بدري كدا ليه عاصم: مش قولنا هنشوف شركة التأمين عشان شركة اسد حاتم: حاضر هفوق واقابلك هناك عاصم: ماشي بس افهم في ايه بقي حاتم بحزن: سلمي قررت تبعد عني عاصم: ازاي يعني مش فاهم حاتم: عشان اللي اخوها عمله حبت تنسحب بالزوق عاصم: دا هبل وهيا مالها، اخوها غلط واعترف بغلطه ومع ذالك هيتحاسب حاتم: بتقول وهيا هيكون شكلها ايه قدام البنات عاصم: دا كلام فارغ سيبك منه وإحنا هنتصرف ياقلب اخوك قوم كدا خد شاور وصلي وقابلني حاتم: بأمر الله حاتم أنهى المكالمة وراح عشان ياخد دش وبدل هدومه وصلى فرضه ونزل عند مامته سلم عليها بعدين راح يقابل عاصم، أما عاصم قفل التليفون وأتنهد بحزن على اللي حصل حس إن الفرح مش مقدر لهم بعد كده قام لبس هدومه وراح على الشركة عشان يشوف موضوع حاتم ------------ في بيت فاطمة كانت سلمى قاعدة في أوضتها حزينة وبتعيط دخلت فاطمة الأوضة وأخدت سلمى في حضنها عشان تهديها فاطمه: بطلي عياط حبيبتي سلمي: قلبي واجعني اووي ياماما مالحقتش افرح فاطمه: طيب ليه اخدتي القرار ده قبل ماتفكري سلمي: كان لازم اخده قبل ماهو اللي يسبني فاطمه: حاتم دماغه اكبر من كدا ياسلمي وأثناء كلامهم الباب خبط ودخل أحمد قعد جنب سلمي وهو حزين أما فاطمة فكانت بتبصله بغضب احمد: انا اسف ياسلمي ماكنتش اقصد، غضبي وغبائي خلوني اعمى، اسف سامحيني وانا هروح لاسد واعتذر ليه والله ماحرقت ولا عملت حاجه دا حسام سلمي: خلاص يااحمد الموضوع انتهي احمد: لا ياسلمي ماضيعيش حاتم من ايدك حاتم بيحبك صدقيني سلمي ببكاء: سبوني لوحدي عاوزه افضل لوحدي فاطمة قامت وأخدت أحمد معاها وخرجوا من الأوضة وسابوا سلمى لوحدها قاعدة تعيط، أما أحمد فقعد جمب مامته وهو زعلان من اللي عمله احمد: سامحيني فاطمه: ماكنتش اتوقع ان ده يحصل بسببك احمد: صدقيني انا ندمان وكلامك ليا فوقني فاطمه: واهي جت علي حساب وحياة اختك أحمد قام وهو زعلان ومش عارف يعمل إيه نزل وطلع من البيت وفضل يفكر إزاي هيتصرف ويصلح اللي عمله ------------- في المستشفى وتحديدًا عند ندي بدأت تستعيد لوعيها وحالتها اتحسنت بشكل ملحوظ اتنقلت لاوضة عادية والدكتور قال للظابط إنها رجعت لوعيها وإنه يقدر ياخد أقوالها وبالفعل بعد فترة جه الظابط وعرف منها كل اللي حصل معاها بسبب هشام واعترفت كمان بكل اللي عملته مع أسد ومقابلتها لحسام وهشام وقالت كل اللي تعرفه عن هشام وبعد ما خلص الظابط من أخذ أقوالها راح يسأل الدكتور عن ميعاد خروجها من المستشفى لأنها هتروح من هناك على قسم الشرطة ------------- في شركة أسد بعد ما الشركة رجعت تاني وبقت في حالة أحسن من قبل قعد حاتم مع عاصم وابتدوا يتكلموا مع بعض. عاصم: يااااه اخيرا حاتم: الحمد لله اخدت مننا وقت عاصم: بس رجعت احسن من الاول حاتم: اسد هيفرح اوووي عاصم: زمانه قاعد جمب غرامه مش عاوز يقوم حاتم بإبتسامه: مش قالك شيل عينك من عندهم عاصم بإبتسامه: ربنا يهنيه المهم عاوزين نعملها مفاجئه ليه مع عيد ميلاده وكمان نتفق علي الفرح حاتم بحزن: ربنا يسعدكم شوف هنعمل ايه وانا معاك عاصم: بطل جنان احنا التلاته هنفرح سوا وسيب سلمي للبنات هيغيرو تفكيرها حاتم: تفتكر هتغير رأيها عاصم بإبتسامه: ياابني احنا اسمنا الثلاثي المرح والبنات اسمهم العصابه تعالت صوت ضحكات حاتم وقال: انت حكايه ياعاصم عاصم: اهي ضحكتك دي ياصاحبي بالدنيا فضلوا يتكلموا ويضحكوا مع بعض وبعدها كل واحد راح بيته وانتهى اليوم من غير أي أحداث تذكر ------------ في صباح يوم جديد على أبطالنا عاصم اتصل بهاجر وأبلغها إن سلمي عايزة تبعد عن حاتم ومصممه على قرارها وقال لها إنهم عايزين يقربوهم من بعض طلب من هاجر إنها تجيب سلمى على شركة أسد بأي طريقة ممكنة هاجر قالت لغرام واتفقوا يروحوا عند سلمى وبعد اعتراض كبير من أسد وإلحاح غرام الشديد وافق أسد على إنها تروح بس عشان يرجعوا سلمى لحاتم ----- في بيت فاطمه غرام: ياله ياسوسو تعالي معانا سلمي: اجي معاكم فين هاجر بإبتسامه: هنتخطف تاني سلمي: الله يكون في عونك ياعاصم من جنان هاجر هاجر: دا هو اللي علمني الجنان ياله يابت قومي فاطمه: قومي معاهم ياسلمي سلمي: هو انا اعرف رايحه فين غرام: عاوزه انزل اجيب لبس وبصراحه بثق في زوقك هاجر: ايوه وبصراحه حبيت المشي معاكم انتو الاتنين بعد كلام كتير من غرام سلمى قامت ولبست هدومها عشان تخرج معاهم ونزلوا وراحوا لمول يشتروا فساتين غرام وهاجر اشتروا فساتين في غاية الروعة والجمال وأصروا على سلمى إنها كمان تاخد لنفسها فستان لكنها كانت رافضة بعد إلحاح شديد من غرام وهاجر وافقت في الآخر غرام: دا حلو اوووي سلمي: انا هجيب ليه مالهوش لازمه عندي هاجر: انتي مالك احنا عاوزينك تجيبي غرام: ياله بقي ادخلي البسيه كدا بعد شوية سلمي لبست الفستان وطلعت ليهم وكلهم انبهروا بيه جدًا بعد ما خلصوا كل حاجة اتفقوا يروحوا على بيت غرام --------- في عربية عاصم كان بيتكلم مع حاتم على التليفون ويقوله إنهم عايزين يتصلوا بأسد عشان يقابلوا بعض في الكافيه حاتم: واسد هيصدق هبلك ده عاصم: اسمع بس مني احنا نقؤله عاوزين نتقابل وانت تعالا ومن هناك ناخده الشركه حاتم: حاضر حاتم قفل التليفون واتنهد بحزن لأن سلمى مش معاه في يوم زي ده أما عاصم فأتصل بأسد وقاله إنه عايز يقابله اسد: واد انت ماتحل عني عاصم: اخس عليك مش عاوز تشوفني مش واحشك اسد: لا يارخم انساني الفتره دي عاصم: مااخنا عاوزين نتقابل عشان نشوف هنعمل الفرح امتي وهنتجوز امتي في سنتنا دي اسد: واد انت، روح اعمل اللي عاوزه عاصم: اتغيرت ياصاحبي اسد: ارجوك شيل عينك عاصم بإبتسامه: حاضر هشيلها المهم عاوزين نتقابل عشان نرجع سلمي لحاتم خلي فرحتنا واحده اسد: فعلا لازم يرجعو لبعض عاصم: انت هتعمل ايه مع احمد اسد: التحقيق اثبت انه مااعملش حاجه وحسام اللي عمل واهو هياخد جزاءه هو وندي عاصم: طيب وانت هتعمل معاه ايه اسد: بص ياعاصم هو غلط وعرف غلطه وبعدين لازم نسامحه عشان خاطر حاتم بس لو جه عند غرام هقتله عاصم: ماشي ياحبيب، المهم نتقابل ماشي اسد: خلاص ماشي أسد قفل المكالمة وفضل يفكر في غرام وحبها الكبير ليه، أما عاصم فأتصل بسعد وقاله إنهم كلهم هيتقابلوا في شركة أسد من غير ما أسد يعرف وهيزينوا الشركة وبعد كده استعد عاصم عشان يروح ويقابل أصحابه ------------ في بيت سعد كانت هاجر وسلمي وغرام بيستعدوا للخروج غرام قالت لسلمى إنهم محضرين مفاجأة لأسد وإنها لازم تكون معاهم بعد شوية استعدوا وطلعوا على أوضة المعيشة وكل اللي كان قاعد انبهر بجمال البنات سعاد: الله اكبر ماشاء الله عليكم منال: فعلا قمرات سعد: هنقعد نعاكس بعض والوقت بيسرقنا ايهاب: سعد عنده حق ياله عشان تلحقو سعد: نلحق يااخويا ياله بينا البنات استعدوا ونزلوا لتحت أما سعد فساعده جار له في إنزال إيهاب العربيات كانت مستنية قدام البيت ركبوا كلهم العربيات وراحوا على شركة أسد ----------- في واحد من الكافيهات كان أسد وعاصم وحاتم موجودين مع بعض اسد: والله زمان ياشباب، وحشانا القاعده الرايقه دي عاصم: ماخلاص يارايق بكره نتجوز وتروق اكتر تعالت صوت ضحكات اسد وقال: ياساتر يارب ياتري ايه تاني هيحصلنا حاتم بإبتسامه: لا بجد كدا هيبقي اوفر ارحم ياعاصم ياحبيبي كفايه علينا كدا احنا استوينا عاصم: انتو احرار دا انا بقول هنتهني اسد: انا هقوم امشي وكفايه كدا عليك ياعصوم حاتم: لا تعالا عاوزين نفرجك علي حاجه اسد بإبتسامه: حاجه ايه ياحاتم هو عاصم عداك ولا ايه عاصم: روح معاه مش هتندم اسد: وانت ايه نظامك مش جاي عاصم: لا ياحياتي علي قلبك قاموا الثلاثي المرح زي ما عاصم دايمًا بيقول حاتم خدهم وراحوا على الشركة

غرام الاسد الفصل السادس والثلاثون

بقلم شروق محمد

اترك تعليقاً إلغاء الرد

مقالات ذات صلة

مش قـ،ـادرة أثـ،ـق في جوزي تاني

غرام الأسد الفصل الثاني

رواية كأس الغرام (كاملة حتى الفصل الاخير) بقلم منال عباس

غرام الأسد الفصل الرابع والعشرون

ما ورد في النهي عن استلقاء المسلم على ظهره، مع رفع إحدى الرجلين على الأخرى وفعل النبي عليه الصلاة السلام ذلك

هل الصبغه للرجال حرام سواء شعر أو ذقن ؟

اترك تعليقاً إلغاء الرد